هل تفعلينها لو طلبها منك عريسك ليله الدخله؟؟؟؟؟؟؟؟؟

هل تفعلينها لوطلبها منك ليلة الدخله؟؟؟!!!!

قصة واقعية حصلت في ليلة الدخله

اول حاجه انا القصه دى عشان اعرف
ماهي ردودكم على مافعله هذا الرجل بعروسه

اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم ايه اللي صار ليلة الدخلة بعد مادخل صاحبنا شقته مع زوجته لقى موبايله بيرن ويقوم عريسنا يرد على موبايله ويدور الحوار التالي :

الزوج : الووووو

المتصل : السلام عليك، كيف حالك يا (فلان) و ألف ألف مبروك

الزوج : وعليكم السلام فينكم يا انذال ماحضرتوش الحفل يا تعبانين

المتصل : والله تعطلت بينا السياره في الخط وحنا جايين عندكم ووصلنا وسألنا عنك قالوا انك رحت مع المدام ودلوقتى احنا راجعين بلدنا
((طبعاً بلدهم تبعد حوالي 300 كم))

الزوج : المهم اتعشيتوا

المتصل : لا والله

الزوج : كم عددكم ؟

المتصل : عشرة

الزوج : اقولك (حرام والله عشاكم الليلة عندي)

المتصل : يا ابن الحلال ماينفعش انت عريس جديد و.. و..
المهم مافيش فايده الزوج مصر الا يتعشوا عنده

الزوج : والله انا هنتظركم مع السلامه
وقفل الخط

الزوجه المسكينه مش مصدقه اللي عمله زوجها ليلة الدخلة ثم قال يافلانه انا رايح السوق وراجع
((على بالها يبقي يجيب عشاء جاهز))
بعد ربع ساعه رجع الزوج ومعه اغراض العشاء

قالت الزوجه ايه ده

قال الله يسلمك قومي اعملى العشاء لزملائي في العمل جايين من بعيد ولا تعشوا
،،،وفي أثناء الحوار،،، والا الباب يدق

قال هم ذولا وصلوا يالله همه

المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره هرجع عند اهلي من الفجر واطلب الطلاق) المسكينه عملت العشاء وتعشوا وراحوا لبلدهم المسكينه متضايقه

والمفاجأة ... ؟؟؟؟؟؟؟؟؟؟

يدخل زوجها عليها ويرمي لها (50000) خمسين ألف جنيه قال هذا حقك قالت حق ايه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وايه يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين .........

بصراحـــــــــــــــــه تستــــــــــــــــاهل أكثر

هل تفعلينها لوطلبها منك ليلة الدخله؟؟؟!!!!

هههههههههههههههههههههههه
بجد قصه رائعه
يسلموووووووووووووووو

ايه ده كله ليله دخلة دى
ولا ليله تقطيع بصل
انا لو مكان العروسة اقطعه بالسكينة مكان البصل
فلوس ايه وبتاع ايه
مش اسلوب حتى

والله قصة جميلة
بس انا مش مع الكلام ده خالص

ميرسى لردك يااحمد وليك يادكتور

انا عن نفسى عمرى مااعملها لانه المفروض
انه يكون واثق فيا مش لسه جاى ليله الدخله
بيختبرنى ايه الناس المعقده دى

طبعا عمرى مااعمل كده
التوبيك جميل جدا وتحفة بجد

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

نورتوا التوبيك بردودكم ياجماعه

ثانكس فور ال اوف يو

بس لازم تعمل الى هوا يقلها عليه
دى مافيش فيها كلام
هما مش هيطيروا من بعض
قدامهم الشهر طويل

اولا :
تفكير الزوج ده تفكير عقيم من اشخاص مريضه
لان اولا هل يرضى اى واحد من الزوج واصدقاؤه ان تكون اخته طرف فى رهان مهما كان

ثانيا :
الزوجه عملت اللى عليها والا كانت هاتغضب ربنا
اما قبولها بالوضع ورضاها بالفلوس اللى اترمت ليها زى ما تكون أجرة خدامه عندهم ده مش تصرف صحيح من الزوج

شكرا على الموضوع الرائع
تقبلى فائق احترامى
سفير الاحـــــــــزان

قدامهم الشهر طويل

شهر كله مش كتير عليهم ولا ايه !!!!
ده انت كريم اوى ياميركافا

وميرسى على ردك المميز ياسفير الاحزان بجد عجبنى ونورتلى التوبيك

على فكره هوا اموضوع كان زى رهان
بس هوا مش رهان
وبعدين هما مش رملها فلوس زى ما هانى بيقول
لا يا عم
وبعدين هما معملوش حاجه حرام او غلط يعنى عادى
انا لو اتحطيت فى موقف زى دا هعمله
ولو مش عاجبها تروح لبيتها
وبعدين ترجع لطاعه الزوجه
امممممممممم
وشكرااااااااااااااااا

فكره انك تحط مراتك وشريكه حياتك فى محل الرهان دى نفسها مش كويسه

يا جماعه دا مش رهان
انا بس الحكايه كلها ان هيا مجردعايزين يعرفو الزوج فعلا هيقدر يسيطرعليها من اول يوم
وبعدين الست طلعت تمام وسمعت كلامه
اختى ماجيك انتى مكبره الموضوع اوى على فكره
زوجه وشريكه حياتك يا باشا الموضوع بسيط جدا
وبعدين ترجع لوجهات النظر بقى
مشكور على المتابعه

معلش يا جميل انا باعترض عل كده
اولا ده مش تفكير ناس عاقلين
الراجل اتجوزها وبعدين انه هايقدر يسيطر عليها اولا

مش هاتيجى بين يوم وليله طيب ما هى ممكن تعمل كده ادامهم
لانها اول ليله وهى مش عاوزه تخرب على نفسها زى ما بيقولوا
وبعد كده الوضع هايتغير

وبعدين هو مش لسه هايحطها فى وضع اختبار ليلة الدخله
اظن ان فترة الخطوبه بتتعمل علشان كل الامور التمهيديه للجواز
بما فيها الموضوع ده

لالالالالالالالالالالالالالالالالالالالالالالالالالالالالالالالالا

انا فى راى ان تفكير مش تمام من الزوج واصدقاؤه
وكمان تصرف الزوجه زى ما انا قولت قبل كده مزدوج هى عملت صح بانها
سمعت كلامه
واخطأت انها رضيت بالامر بعد اما عرفت
ده زوج مشوش وموسوس

شكرا وتقبلوا فائق احترامى
سفير الاحــــــــــــــــــــزان

ميرسى ياجماعه على الردود ومتابعه الموضوع

وبعدين ياميركافا انا مش مكبره الموضوع القسم اسمه
منتدى الحوار والمناقشات يعنى بنتناقش مع بعض مش بنكبر المواضيع
وميرسى ليك بجد سفير الاحزان

وبعدين ياميركافا انا مش مكبره الموضوع القسم اسمه
منتدى الحوار والمناقشات يعنى بنتناقش مع بعض مش بنكبر المواضيع
لا يا ماجيك انا بتناقش والله مش اكتر
بس انتو مصعبين الموقف اوى
انا من وجهة نظرى ان الموضوع عادى جدا
والليله هتكون ظريفه جدا انتو بس الى بتبصوا للموقف من ناحيه تانيه
والله انا لو حصل معايا الموقف دا اعمله
والله هتكون فرىجدا
ومشكور على المتابعه

معلشيا ميركافا انت قلت انك الموضع كله وجهات نظر
انا بقى عندى كلامى الزوج اخطأ
اولا ده هو كده حط نفسه فى وضع اصعب من الزوجه
طيب افرض ان العروسه ما عملتش اللى هو عاوزه ده كان هيكون ايه الحال
هيروحها بيتها تانى
طيب ولو الناس سألت ليه وهو حكى اللى حصل ده
صدقنى كل الناس هتغلطه
وكمان هيكون اغضب ربنا وخلى زوجته كمان تقع فى الحرام لانها ما طااوعتهوش
لا لالالالالالالالالالالالالالالالالالالالا يا معلم
ده راجل شخصيته ضعيفه

لالالالالالالالالالا
لا يا هانى لا
على فكره لو خدت الموضوع بضحك هبتقى ظريفه
عادى يعنى دعابه يعنى
تقبل تحياتى
ك\ احمد

تم التثبيت يا دكتورة
تقبلى تحياتى

ميرسى ليك يادكتور ع التثبيت

وبعدين ياميركافا دى حاجه مااعتقدش ان فيها هزار

التوبيك جميل جدا وتحفة بجد
طبعا عمرى ما اعمل كده
انا مع سفير الاحزان فى رايه