هل كلمة اسف تمحى الجرح؟!!!

في هذه الحياه ومع احداث العصر وتجمد المشاعر
احياناً نتعرض لمواقف مؤلمه..
ومن اعز الناس...وهذه المواقف تبقى بمثابه الجــرِح الدامي الذي كلما تــذكـرٍته ســالت دمــآء جرحك من جديد

ولكن!!!!
حينما يأتيك انسان عزيز عليك..وقد تسبب في جرحك مسبقاً
ولكنه الآن نادم على مافعله واحسست بمصداقيه مشاعره
لكنه تسبب لك بما يكفي من الألم والحرقه ليبقيك وحيداً عاجزاً عن الإستمرار في العطاء

حينها هنا السؤال!!!!!

هل كلمه آسف تمحـــي الجــــرِح.؟

اطرح هذا الموضوع واتمنى تناقشوني فيه

بإنتظار ردودكم

وتقبلوا فائق تحياتى
حــــــــــــــ سفير الاحـــــــــــــزان ــــــــــــياتى

تسلم ايدك على الروعه دى
واهنيك على التميز دائما
اولا كلمه اسف عمرها ماتمحى الجرح
دى شماعه كلمه نستخدمها لتجميل الكلام او الاعتزار
انما اسامحه امته لما اشوف افعاله معايا بعد كده
هنشوف بقى هينفع نرجع اصحاب اولا
مشكور حبيبى على التحفه دى

شكرا علي الموضوع الاكثر من رائع ده

حينما يأتيك انسان عزيز عليك..وقد تسبب في جرحك مسبقاً
ولكنه الآن نادم على مافعله واحسست بمصداقيه مشاعره
اكيد لو حسينا بمصداقية مشاعره هتمحي بس اكيد مش عند كل الناس

[ندعوك للتسجيل في المنتدى أو التعريف بنفسك لمعاينة هذه الصورة]

حينما يأتيك انسان عزيز عليك..وقد تسبب في جرحك مسبقاً
ولكنه الآن نادم على مافعله واحسست بمصداقيه مشاعره
انا بتفق مع اختى مها طالما نادمان وحسيت بصدق مشاعره ممكن تمحى
لان ربنا اللى خالقنا بيغفر لينا وبيسامحنا على اكبر الذنوب
فمش معقول البنى ادمين مش هيسامحوا ويغفروا لبعضهم
بس الفيصل فى الموضوع ده بجد واللى هيحكم فيه
هو مدى تمسكك بالانسان ده ومكانته عندك
وجزاك الله كل خير على الموضوع الجميل

طيب ما هو ممكن درجة تمسكك بالانسان ده
تغمى عينك عن اخطاؤه
اللى انتى مش عاوزه تشوفيها اساسا

شكرا على ردوردكم وتفاعلكم

اكيد لما تكون متمسك بحد بتتجاهل كل اخطاؤه
بس فى نفس الوقت مفيش حد مننا معصوم من الخطاء
وطالما الانسان ده حس بالندم واعتذر عن خطؤه واتعلم منه
فواجب عليا انى اسامحه واغفرله
ممكن اسفه مش يمحى الجرح بس مبدأيا هيطيبه وتدريجيا مع مرور الايام هيمحيه باى مواقف جميلة ممكن تحصل منه
عارفة انى طولت ورخمت على الاخر
بس بحب اقدم الحلول دايما لاى مشاكل
وارجو انك تقبل رايي المتواضع

مشكوره اختى الغالية على ردك الغالى
بس انا رأى ان افعال الانسان هى اول طريق الندم

ومعلش انا مش باحب اسمع كلمة اسف دى اساسا

لانها اصبحت وسيلة رخيصه فى زماننا

الواحد يغلط وبكل بساطه يقول اسف
وهو مش عارف مدى غلطه ده اد ايه
والجرح اللى سببه للانسان ده كبير ولا صغير

وعلشى عمر ما الندم بيرجع اللى كان ممكن ننسى الجرح
بس عمره ما هيطيبه

لان جروح الجسم بتطيب
الا جروح المشاعر لازم تسيب اثر

شكرا ويا رب رأى يكون مظبوط

اشكرك على رايك اللى بتفق معاه
بس فى ناس بتندم وبتتاسف من خلال افعالها وبمشاعر صادقة
هما الدول الناس اللى انا اقصد نقبل اسفهم
هما بقوا قليلين صحيح بس موجودين
مش اقبل اسف حد مش عارف قيمة الكلمة لا طبعا
اتمنى انى مااكونش طولت
جزاك الله كل خير

ميرسى ليك ع التوبيك الجميل ده

انا من رايى انها حتى لو محت جزء منه استحاله تنهيه كله
لانه مهما كان عمرك ماهتقدر تنسى ان الانسان ده فى يوم من
الايام اتسببلك فى جرح وحتى لو انا سامحته استحاله هرجع
اتعامل معاه زى الاول مهما حصل دايما هحس ان فى حاجز
بيمنعنى انى اكون معاه زى الاول

مشكوره اختى الرقيقه على رايك
مشكوره يا الماجيك

رايك على راسى من فوق فوق فوق

هو ده اللى انا عاوز اوصل له

ان عمر الاسف والندم ما بتقدر تداوى الجرح ابدا
انا قولت انها ممكن ننساه
بس مع اول فرصه هنفتكره ونتألم منه تانى

شكرا على المرور والتفاعل

ميرسى اوى ليك سفير الاحزان
لحد قبل التهاردة بس كنت بقول ان الاسف ممكن يمحى
بس عشان مش حسيت احساس الجرح ده خالص
وكنت فاكرة ان عمرى ماهقابل ناس يجرحونى لان كل همى انى ماجرحش حد
بس النهاردة بئة بعيش اصعب جرح ولو كل الجروح الاسف محاها
الجرح ده مش ممكن الاسف يمحيه لانه جرح السكينة بتاعته اسمها الخداع
وبقولك ان عمرالاسف مابيمحى الجرح ولايطيبه حتى
اشكرك كتير

طبعا انا مش عارف اقولك ايه
بس كل اللى اقدر اقولهولك
انك لازم تفتكرى المقوله دى وانت فى عز الجرح اللى فيكى
الجرح اللى ما بيموتش بيقوى )

يعنى حاولى تخلى اللى حصلك درس تتعلم منه وكمان تستفيدى

شكرا على تفاعلك
وربنا يطيب جرحك

الموت اهون بكتير من انك تتخدع
لانى كنت هروح لرب اسمه الكريم
هو اللى خلقنى وارحم عليا بكتير من اى حد
اشكرك على نصيحتك وعلى شعورك الجميل

انا اسف بس الموضوع باين انه صعب
اسف مره تانيه
وربنا معاكى
وربنا يقدرك وتنسى اللى حصلك
وبعدين مش احنا اللى هنحدد موتنا احسن او حياتنا
ربنا هو اعلى واعلم

لالالالا
مش مستاهلة للاسف
بالعكس انا وجودى على النتدى مهون عليا كتير
وبيبسطنى اوى تفاعل الاعضاء
ميرسى ليك مة تانية على شعورك الجميل

ربنا يبسطك على طول
واتمنى من ربنا
ان التفاعل يكون على مستوى
الاعضاء كلهم
شكرا على المرور

طيب ان عندى فكره حلوه
كل عضو هيدخل هايقول كلمة اسف ممكن تمحى الجرح ده بنسبة ايه

انا بالنسبه لى انا 5% فقط

اشطه عليك يا عم هانى
اشكرك جدا على ردك فى موضوع
حلقات عمرو خالد
اشكرك اوى يعنى بشده
عل ى العموم مشكور على موضوعك التحفه
وانا اشارك
كلمه اسف تمحى الجرح بنسبه
10%

تم التثبيت

اشكر ميركافا بس والله انت فهمت كلامى غلط
وعيب عليك الكلام اللى بتقوله ده ياباشا
ومتزعلش

وشكرا دكتور على التثبيت

ايه يا جماعه التفاعل راح فين

التفاعل موجود طبعا
انا بالنسبة ليا يعنى
كلمة اسف ممكن تمحى الجرح بنسبة 7% كدة
بس بعتقد قلتهم احسن
ومبروك على تثبيت موضوعك الجميل
تقبل مرورى
وجزاك الله كل خير

اولا شكرا على تفاعلك الدائم
ثانيا الله يبارك فيكى اعتقد ان الفضل يرجع فى تثبيت الموضوع لحضراتكوا
ثالثا

اعتقد ان من النسب اللى اتعملت
كلها بتدل ان كلمة اسف
يدوب برواز
يدوب حاجه رسميه كده وخلاص
والا ايييييييييييييييييييييييييييييييييه