•·.·´¯`·.·• ( حملة * هنتغير بجد * للشباب والبنات ) •·.·´¯`·.·•

بعد الحمد لله والصلاة على الحبيب المجتبى
ثم اما بعد؛
حملة
(هنتغير بجد)
للشباب
&
الفتايات

هدفها من اسمها هنتغير بجد
سياستها تحبيب الشباب فى الاسلام
شعارها هندخل الجنة سوا
ستتكون الحملة من حلقات كتير
وكل حلقة لها اسم
وكل اسم بتدور حوله الحلقه
وكل حلقة عباره عن حوار بين اتنين
+الاول وهو اللى هيغيرنا بجد

=والتانى وهو الشاب او الفتاه
يعنى انا وانت
ورجاء من كل قارئ
يقول رأيه بصراحة
وانا مش هزعل
وياريت نطبق الكلام ده بجد
علشان نتغير بجد
ونفرح نبينا
وندخل الجنة سوا
ومهما تكون ذنوبك
ومعاصيك
و بعدك عن ربك
معانا
كلنا هنقرب اوى من ربنا
بس
خليك معانا
يلا بينا ...
الحلقة الاولى
(المقدمة)
+السلام عليكم
=وعليكم السلام
+عامل ايه ؟
=تمام
+ومع ربك عامل ايه؟
=زى اى شاب بعيد عن ربه
وكل فين وفين لما يركع ركعة
و باستخدم بصرى فى الحرام
وبعق ابوى وامى
و..و..و..
+طب وانت ايه اللى بعدك عن ربنا؟
=ان اى واحد يقولى لازم علاقتك
مع ربنا تكون 10من10
او0من10
+يعنى ايه؟
=يعنى معظم الناس متبعه قاعدة
(الحلال الخنيق والحرام الفاجر)
يعنى يأما يمين خالص
يأما شمال خالص
مفيش حد ماشى فى النص
بس منحاز لليمين شويه
+وانت عجبك حالك مع ربنا ؟
=طبعا لا بس
اعمل ايه؟
=وبعدين استحاله ربنا يغفرلى
ذنوبى ده انا عملت ذنوب
ماحدش عملها فى العالم
وعملت كبائر كتييير و..و..
+تعرف انك كده قانط من رحمة الله
القنوط من رحمة الله اصلا من الكبائر
=طب اعمل ايه؟؟!
+ان مصدق ربنا فى كل كلامه ..
=طبعا من غير تفكير
+ممكن تسمع الايه دى
=اتفضل ..
+قال الله عز وجل
(قل يا عبادى الذين اسرفو على انفسهم
لا تقنطوا من رحمة الله
ان الله يغفر الذنوب
جميعا انه هو الغفور الرحيم)
=صدق الله العظيم
+انت مش حاسس ان الايه دى
بتكلمك انت
=حاسس
+خلاص انت لسه مش متأكد
ان ربنا هيغفرلك
ويمسحلك ذنوبك
ويعتقك من النار
=انا ما قلتش كده
+امال ايه؟
=انا قصدى من السهل ان اعمل اى عمل وربنا يمسح كل ذنوبى
+انت ماتعرفش مين هو الله
=انا عارف
+ماتعرفش ان ربنا
كريم
ورحيم
وعظيم
ولما يغفركل ذنوب العالم
مش هينقص من ملكه شئ
=عارف والله
+امال مستنى ايه
طب تخيل معايا المشهد ده
لو قلت
اللى عاوزربنا يغفرله
يرفع ايده
الناس هتنقسم ل3 انواع
النوع الاول
هيرفع ايده من غير ما يفكر
النوع التانى
هيرفع ايده وهو بيقول
انا هعصى ربنا تانى بس
اهو تقل ذنوبى
والنوع التالت
بيقول حتى لو ربنا مسح ذنوبى
هعصى ربنا تانى
انا كده كسبت ايه

=قصدك ايه من المثال ده
+قصدى خليك ذكى و ثق فى الله
وتأكد انه مش هيرفضك
بس ارفع ايدك بجد
سيب الباقى على ربنا
=والله انت غيرت تفكيرى
خالص
=قولى بقى ازاى ربنا يغفر لى كل
ذنوبى
+ده اللى هتعرفه فى الحلقه التانية بأذن الله
اهم حاجه
تيقن نفسيا ان ربنا هيغفرلك
ولا يبالى
+يلا سلام
=قول السلام عليكم احسن
+انت صح
+السلام عليكم
=وعليكم السلام ورحمة الله وبركاته

الى اللقاء فى الحلقة التانيه
مع
حملة
(هنتغير بجد)

على فكرة يا جماعة
الحملة دى شوفت شباب عاملينها فى موقع من المواقع
وبصراحة عجبتنى جدااااااااااا جداااااااااااا

وبجد الناس دى حسستنى ان فعلا الشباب بخير
وفعلا الشباب بدأ يتغير وفعلا الشباب فيه امل بعد ما كان جيه عليا وقت فقدت الامل خالص

ياريت نطبق الحملة دى هنا فى المنتدى ده
ياريت فعلا كلنا نحاول نتغير بجد وناخد الحملة دى بجد وانا اولكم وكلنا نعيين بعض هنا فى القسم ده على الحملة وانا أصريت اني احطها ف القسم ده مش ف الاسلامي عشان كل الشباب والبنات تشترك فيه

ففرو الى الله
ففرو الى الله
ففرو الى الله
ففروالى الله

الحلقه الثانيه

امسح كل ذنوبك

+ ايه الاخبار ؟

= ده انت عملت فيا امبارح حتة مقلب

قعدت تحمسني وف الاخر علقتني ومشيت

+ عارف وكان قصدي ...

= ايه .... ؟؟؟

= طب ليه كده

+ لان لو اخدت كل حاجه مره واحده

هتتحمس شويه وبعدها بساعه

ولا كان اي حاجه

= كلامك مظبوط

+ وخلي بالك ف كل حلقه هيكون نفس النظام

= بس عالله يجي بفايده

+ قلتلك امبارح ثق ف الله ومتحملش هم

= ماشي مش ندخل ف الموضوع بقي

+ ماشي ..... يلا ندخل

3 ...3... 2.....1 .......

+ السلام عليكم ورحمة الله

= وعليكم السلام ورحمة الله

+ ايه الاخبار ...

= تماااااااام ...... الحمد لله

+ طبعا زي مانت عارف ان حلقتنا

انهارده عن ازاي نمسح كل ذنوبنا

+ ف البدايه لو قلتلك ...

ممكن تعد ذنوبك اللي عملتها من يوم ما اتولدت

= ايه ..........؟؟ .....

= انت بتكلمني انا ......

+ طب بلاش .......

ممكن تعد ذنوبك اللي عملتها الاسبوع ده .....

= ياعم انا ماااااااااشي ....

= انت جاي تفكرني باللي فات

+ استني انا قصدي ان انت

متعرفش تعد الذنوب اللي عملتها انهارده اساسا

+ ومحدش يقدر يعدها الا الله

= صح .....

+ اذن محدش يقدر يمسحها الا الله

= ونعم بالله

+ ولكن ازاي نخلي ربنا يغفر ( يمسح ) لنا ذنوبنا

= ازاي ..... ؟ قول انت ؟؟.........

+ بصراحه مش انا اللي هقولك

= امال مين هيقولي ..........

+ اللي هيقولك هو اللي هيغفرلك كل ذنوبك

حيث قال عز وجل

( وقلت استغفروا ربكم انه كان غفارا )

= صدق الله العظيم

= يعني ربنا ممكن يغفرلي ذنوبي كلها

+ انت مش مصدق ربك ولا ايه

= انا مصدق والله

ده حتي كلام ربنا

بس انا مش متخيل يعني ان ربنا هيسامحني ف كل اللي عملته ؟

+ انا عارف انك فرحاااااااااااااااااان

عشان كده اسمع الحديث القدسي الجميل ده

( يابن ادم لو اتيتني بتراب الارض

خطايا ثم لقيتني لا تشرك بي شيئا

اتيتك بترابها مغفره .........)

= طب لو ذنوبي اكتر

+ ممكن لو سمحت متقطعنيش تاني

= انا اسف بس انا فرحان اووووووووووي

+ عارف بس اسمع كلامي

= ماشي انا اسف

( ...... يابن ادم لو بلغت ذنوبك عنان السماء

ثم استغفرتني

غفرت لك ولا ابالي )

+ انت مش واخد بالك من حاجه

= ايه ؟؟؟؟

+ ان ربنا بيقول غفرت علي طووووووول

يعني مفيش قبلها ثم ولا حتي فأغفر

= طب ودي فيها ايه ؟؟!!

+ فيها كتيييييييييييييير

+ ان الله لو قال ثم قبل غفرت

معني كده ان في فتره ما مابين استغفارك لربنا وان ربنا يغفرهالك

ونفس الكلام في لو كانت فأغفر , مع ان اللغه بتقول ان الفاء تدل ع سرعة التنفيذ

ولكن خلي بالك ان حتي لو في سرعه ف عمل شئ

برضو هياخد وقت حتي لو ثانيه واحده

بس اهي اخدت وقت

ولكن ربك عظيم اوووووووووووووووي

ان معني ان ربك ميقولش ولا ( ثم ) ولا (فا) معني كده ان مفيش وقت

مابين نطقك للاستغفار وان ربنا يغفرهالك

= يااااااااااااااااه اد ايه ربنا كريم اووووووووووووي

+ والله ربك عظيم جدااااااااااااااا

ولكن احنا مش واخدين بالنا

+ ولو تاخد بالك ان ف جميع ايات القرأن ربك بيقدم صفة الغفران عن اي شئ

يعني مثلا .....

( ان الله غفورا رحيما )

+ ربنا قدم صفة الغفران عن الرحمه

لان استحاله ربنا يرحم شخص كتيييييييير الذنوب

وبالتالي ربنا هيغفرله ذنوبه وبعده ربنا يرحمه

+ طب لو افترضنا ان قلبك حتة قماشه بيضه

وكل ماتعمل ذنب الذنب ده يعمل نقطه سودا ع القماشه

اظن كده حتة القماشه بتاعت كل واحد اتحرقت مش اسودت

= صح

+ وخلي بالك ان حبيبك النبي

شبه القلب بحتة الحديده والذنوب كأنها الصدأ اللي ع الحديده

والاستغفار هو المنظف لهذا الصدء

+ طب ماتيجي نلمع قلوبنا بقي

= والله انا نفسي بس التلميع هيجهدني اوي وهيتعبني

+ اهم حاجه انت ازاي بتستغفر ربنا

هل بتستغفر من فمك ولا من قلبك

= طب ازاي هستغفر من قلبي ؟؟؟

+ بانك وانت بتستغفر تكون واثق من ان ربنا هيغفرلك

= ونعم بالله

= طب ازاي استغفر ربنا

+ في اذكار كتير جداااااااااااااااا زي مثلا

( استغفر الله )

( استغفر الله العظيم واتوب اليه )

( استغفرك اللهم واتوب اليك )

+ وفي اذكار كتير

لكن لو تلاحظ ان النص الاول لو مشيت علي حلقة انهارده اتحقق

وهو ان ربنا يغفرلك

+ ولكن ازاي تتوب لربنا بجد وازاي تعرف ان ربنا تاب عليك

= ازاي ........

+ ده اللي هتعرفه ف الحلقه الجايه

ولكن واجبك انهارده تكثر من الاستغفار

عشان تنظف قلبك من اي قذاره

واكيد القذاره علي قلوبنا كتيييييييييييييييييير

+ وف الحلقه التالته هنتوب لربنا بجد

= طب ماتقول اي حاجه

+ انا قلت بكره ان شاء الرحمن

+ يلا ......... السلام عليكم

= برضو بتعلقني

= وعليكم السلام

يااااااااااااااااارب تكون حلقة انهارده نالت اعجابكم

وقدرت افيدكم او اقدم حاجه بجد

( الحلقه الثالثه )

( توب وربنا هيتوب عليك )

+ عامل ايه دلوقتي مع ربنا ؟

= اسكت..... اشتغلت شويه وكل شويه افتكر

الذنوب اللي عملتها واقول ازاي ربنا هيغفرهالي ؟؟!!

+ خلي بالك ده شيطان عاوز

يخلي كل اللي عملته تهده بايدك تاني

ومتنساش الحوار اللي حصل بين الله عزوجل والشيطان لعنة الله عليه

لما كان الشيطان خارج من الجنه بيقول لربنا ...

( وعزتك وجلالك لأغوينهم اجمعين )

+ وربنا بيرد عليه وبيقوله .....

( وعزتي وجلالي لاغفرن لهم مادامو يستغفرونني )

+ ايه رأيك ؟؟!!!

= يعني ده شيطان عاوز يبعدني عن ربنا

+ ده اكيد

+ وربنا بيقول لو استغفرته هيغفرلك

= ماشي .... ندخل بقي ف حلقة انهارده

+ ماشي

3......2.......1.......

+ السلام عليكم

= وعليكم السلام

+ حلقتنا انهارده عن ازاي نتوب

+ ف البدايه ... نعرف ايه اللي بيحصل حولينا كل يوم

ان الله ينزل الي السماء الدنيا كل يوم من الثلث الاخير من الليل

ويقول ...............

هل من مستغفر فأغفر له .....

هل من تائب فأتوب عليه ......

هل من داع فأستجيب له ......

+ انت فين بقي من ده كله ؟؟!!!!

---------------- =

+ وخلي بالك ان الله ينزل الي السماء الدنيا

بالنهار ليتوب مسئ الليل

وبالليل ليتوب مسئ النهار

+ يعني كده ملكش حجه

= ايه ده ..... يعني دي كلها فرص قدامي وانا مش واخد بالي

+ وخلي بالك ... ان ربنا من اسمائه

+ التواب وليس التائب

عارف ليه ........؟

= ليه ............. ؟

+ لان لو ربنا اسمه التائب

معني كده ان لو عملت معصيه وتبت هيتوب عليك مره واحده بس

ولكن اسمه التواب يعني مهما تتوب هيتوب عليك

انه الله الرحيم التواب

= ونعم بالله

+ وخلي بالك ربنا مش هينقص من ملكه شئ

لو مغفرلكش ومش محتاجك ف حاجه

ولكن .............

= انا اللي محتاجه ...... عارف

= بس معرفش هو هيقبلني ولا لا

+ طب بص لو انت عاوز تتوب بجد

وبصدق من قلبك هيتوب عليك

ومتنساش ان الله كريم جدااااااااااااااااااااااااااااااااااااااااااااا

لذلك ادعي .........

( اللهم اني ذنوبي عظيمه ولكن عفوك ومغفرتك

اعظم فتوب علي )

+ صدقني لو انت عايز تتوب بجد

روح لربنا واترجاه

وربنا بيستحي انه يرد عبد بيتوب اليه

وثق بالله وملكش دعوه بس

= ايه ده حلقة انهارده قصيره جداااااااااااااا

+ عارف لان ماتتضمنه حلقة انهارده

كله قلته ومن الاخر

+ بس انت صلي ركعتين بنية التوبه

وادعي فيهم وثق بالله

وملكش دعوه وسيب الباقي ع الله

= طب وحلقة بكره هتكون عن ايه ؟

+ ان شاء الله هتبقي ازاي تلحق نفسك من النار

مش كده وبس

= امال ايه

+ برده عن ازاي تحرم جسدك عن النار

مشكوووووووووور احمد جزاك الله خيرا على التوبيك الجميل ده

ااالله
على الكلام الجميل
بحييك اوى على التوبيك الشيق والمفيد جدا ده
بجد عجبنى اوى
وياريت فعلا كلنا نعمل بالكلمة دى
وربنا يهدينا ويهدى جميع المسلمين اللهم امين
و يجعله فى ميزان حسناتك
بارك الله فيك وجزاك كل خير

بجد دا تميز غير عادى يا احمد
بجد تسلم ايدك
مشكور

شكرا يا جماعة على الردود

بس يا ريت منتقفش عند الردود

لازم نعمل بالكلام دا

مرسى ليك يا احمد

على التوبيك الجميل اوى ده
وياريت الناس كلها تعمل بيه
ويارب دايما فى تقدم وازدهار
ويجعلة فى ميزان حسناتك

جزاك الله كل خير

شكرا احمد علي المجهود الرائع ده
بارك الله فيك وجزاك كل خير
جعله الله في ميزان حسناتك
[ندعوك للتسجيل في المنتدى أو التعريف بنفسك لمعاينة هذه الصورة]

جزانا وجزاكم خيرا

ومشكورين يا جماعة على الردود

اشكرك يا احمد على التوبيك الجميل ده

تم تثبيت الموضوع

لانه بجد تحفة

جزاك الله كل خير

تسلم يا حماده

شكرا يايا جماعة على الردود

وبصراحة يا سمسمة مش عارف أقولك ايه

شكرا جزيلا

ميرسى يا احمد على الموضوع الجميل ده وبصراحه هو موضوع فى قمة الروعه

وعجبنى اوى واتمنى ان كلنا نعمل بالكلام ده
ونلتزم بيه اكيد هنكسب حسنات كتير اوووى
مشكووور على الموضوع
تقبل مرورى

رمش حزين

جزاك الله كل خير اخونا الفاضل
وربنا يجعله في ميزان حسانتك ان شاء الله
ودايما يارب في تميز
تقبل مروري