من كتاباتي (هموم الناس)

يسعدني أن أقدم لكم احدي كتاباتي بالعاميه فأنا عاشقه لكتابة الخواطر والزجل بالعاميه المصريه ولي كتابات عديده في هذا المضمار ومنها ماهي الآن بين أيديكم وعنوانها :هموم الناس

النهــارده المغــربيه كـنت ماشـي أسـأل ســؤال

نفسـي أقابل أي حـد ألاقـي عـنده إجـابة الســؤال

فجـأه لقـيت الـواد زناتي أبن عـمي الشـيخ هــلال

قلتله رايح فـين يازيزو قـالي مـش عــارف يا خـال

قلتـله هــو أنت تـايه ولا أيــه يا أبــن الحــلال

قال والله ماأعرف أديني ماشي بس ليه ؟ أهو ده السـؤال

قـلت لا حـول الله ياربي أحـنا الأتنـين نفـس الخصال

قـال دا مش إحنا بس . دا النـاس بحالها اتهبلت هـبال

هـو اللـي إحـنا فيه شـويه ؟ من الغلا وقرف العـيال

دا كـيلو الزيت بعشـره حتي الرغـيف صـعب المنـال

حتي كمـان الفـول يا خـويا اللـي كانت تكـله البغـال

النهـارده بقـاله سعـر . وهو فـين ؟ ياريت شــوال

والمصـيبه العـدس الأصـفر علشان تجيبه داشئ محال

أنت فـين يا أبو جـبه رحـت وفـين زمانك زمن الريال

حتي الخضـارأنزل السوق تشوفه تقول يا عيني ع الجمال

أحمر وأسود وأخضر وأصفر بس سـعره فوق الاحتمـال

والوليـه مـنين تجـيبه وأنـا اللي معـايا يادوب ريـال

لمـا ولادي مرضـت بالأنيـميا وجلها ضعف وكمان سعال

الـواد محمد والبت خوخه وأحمد أخـوهم وسـعد ومنال

وسعـدون وجابر والـبت صـبحه وأمهم والـواد جـلال

طب وأنـا ناسـي نفسي ليه ؟ دا أنا منهـم وأبو العيـال

بقـيت أعـاني زيهـم من المـرض وفقـر الـدم والهزال

قلت يااااااه كل ده شـايله في قلبك وأنت سـاكت ذي الجمال

قـال بأيـدي إيه أعمـله طب قـولي أنت يا أبـن الحـلال

هـو أنت ناسي أني أرزقي يـوم بشـتغل وتـلاته بطــال

هيجي منين اللي أصـرفه عالكسـوه والـدوا وأكل العيـال

الله يكون في عون الأرامل واليتامي واللي عنده أورطة عيال

ربك معاهم هـووحـده اللي يعـنهم عالـزمن وعلي داالحال

رحـت سـاكت مره وحده وخرسـت خالص لما اتكلم وقـال

وقلتله خلاص يا زيزو أسكت بقه . لقيت عندك إجابة السؤال

ــــــــــــــ
أرجو أن تنال إعجابكم ويسعدني ردكم ويشرفني مروركم الكريم

مشكور جدا على مجهودك الرائع وبتمنى احسن واحسن

لالا كده الواحد ما يجيش جنبكم اى حاجة

دا انتوا بتكتبوا حاجات رووعة

اترك التقييم ال الرقيقة

تسلمى ياعسولة المنتدى

هيتثبت طبعاااااا من غير كلاااااام
بجد مش عارفة اوصف اعجابى بالموضوع ازاى
بس كل اللى اقدر اقوله انتى عسولى فعلا
عشان المواضيع الجميلة زيك دى
تسلمى ياقمر بجد

موضوع اكتر من رائع وتسلمى على طلت الجامده دى
ودائمة الاباداع ان شاء الله

موضوع جامد يا عسوله الف شكر ليكى

بجد ميرسي ليكوا يا جماعه
انا سعيده جدا انوا عجبكوا بجد
تسلمولي بجد انا سعيده اني معاكوا هنا

شكرا يا عسوله علي التوبيك الرائع ده
تسلم ايدك
دمتى لنا مبدعة
[ندعوك للتسجيل في المنتدى أو التعريف بنفسك لمعاينة هذه الصورة]

تسلميلي يا مها على ردك الاجمل طبعا

تسلميلي يا مها على ردك الاجمل طبعا

انا مبسوطه جدا بمواضيعك الجامده دى
يا احلى بنوته فى الدنيا
تسلم ايدك على الموضوع الرائع ده

مشكورة على الابداع. فعلا ابداع مابعده ابداع وانا سعيد فعلا ان بالمنتدى فى اعضاء بيكتبوا شعر وزجل.

ميرسي يا قمامير على ردودكو
الجميله جدا والقيمه دي
تسلم ايديكو