فكرة جديدة لمنتدى حياتى

بسم الله الرحمن الرحيم

جيت النهاردا يا جماعة بفكرة جديدة علشان نتقدم بالمنتدى
الفكرة

هى ان الإدارة تعملنا أقسام لعشاق الفنانين

زى مثلا رابطة عشاق الفنان عمرو دياب

ورابطة عشاق الفنان تامرحسنى

ودى يكون فيها كل حاجة عن الفنان إللى احنا بنحبه

من صور - فيديو - كلمات أغانى

وكدا يعنى

يا ريت الناس ترد على الموضوع

وتقول رأيها إيه فى الفكرة ؟

وهل الناس هتتقبل الفكرة لا لا ؟

هيا الفكرة جميلة جدا

وانا كنت بفكر فيها

بس اهم حاجة راى الاعضاء
والناس تتفاعل معاها

عشان مش تبقى شغاله
ويبقى شكلها وحش

ولما اشوف الردود

اعتقد هتبقى فكره حلوه

أشكرك

Dr / SeMsEm

كابتن أحمد

على تأيدكم للفكرة

بس يا ريت الأعضاء يقولولنا رأيهم

شكرا

الفكره جميله جدا شكرا يا احمد

فكره جامده طحن يا احمد
بس يا ريت الناس تشتغل فيه
وانا عن نفسى هشتغل شغل جامد فيه

شكرا شباب على الردود

قشطة يا مان

فكرة رووووعة

بحييك عليها يا أبو حميد

هى الفكرة جميلة
ومشكوووور عليها كتيييير يااحمد
بس هى فعلا عايزة تفاعل من الاعضاء

ياريت علشان يبقى اسهل

وفكرة جامدة طحن موت موت موت

مشكوررررررررررررررررررررررررررررررررررر

تم الموافقة

وجارى التنفيذ

حبيبى

مشكور أوى Dr / semsem

حبيبى ميدو

كل الاسف الشديد

لانه هيتم الغاء روابط الفنانين

وزلك منعا لاى مشاكل او ردود مش تمام

سوف تحدث فى المستقبل

وبعض الناس داخلة ترد الى يقولك مش بحب ده وبحب ده

وهما فى الاخر فنانين مش مشايخ ولا حاجة

وكمان منتدانا اكتر مهتم بالترفيه والافادة الجميلة

وليس المالتيميديا

فتقبل اعتزارى على حزف الاقسام الخاصة بالفنانين

وجميل جدا ان فيه اعضاء زيك

يفكرون بافكار جديد ة من اجل نجاح المنتدى

انا شايفه الفكره جميله اوي بصراحه يعني
مع احترامي

انا افضل انك تاخد براى الاعضاء

وانا عن نفسي مش موافق انك تخذفهم

مشكور

انت حر توافق او مش توافق

بس من يوم مااتعملوا ومفيش حد
بيشتغل فيهم غير اتنين

ياريت بس نكون فهمنا

وبلاش ردود مالهاش لازمة

عايز افهم بس مع احترامك ازاى

يعنى قولى رايك

واكيد الردود بينت ليه تم عمل الاقسام

وليه تم الغائها

وميرسى لرايك

انا قصدت اقول مع احترامي لرأيك يا دكتور سمسم بس بجد انا لو كنت موجوده الفتره اللي فاتت على المنتدى كنت اشتغلت فيه بجد
وبعدين انا كانت عجباني بس الفكره فقلت رأيي يعني دا مجرد رأي مش اكتر
وحضرتك في الاول وفي الاخر المدير ومديرنا كلنا يعني بارادتك انت تنفذه او لا وبرده مع احترامي ليك ولرأيك انا رأيي دا
اشكرك على فكره الصوره الرمزيه اللي حضرتك غيرتها بجد بجد احلى بكتييير رغم اني بحب الالوان الفاتحه والبمبى خصوصا الا انها عجبتني جدا يسلملي زوقك

أوك حبيبى

ولا يهمك

عادى بإذن الله نجيب حلى افكار لأحلى منتدى فى الدنيا كلها

على فكره ياجماعه عمرو دياب مين ولا تامر حسنى مين انا فاتكر ان دكتورسمسم كتب موضوع علشان نلغى الاغانى من المنتدى كله تيجوا تقولو اعوزين نعمل منتدى للفنانين انا ضد الفكره دى مع احترامى الشديد لصاحبها