]دموع بلا فائده .......... حلقات متجدده .. تم اضافة الحلقه الاخيره

[ندعوك للتسجيل في المنتدى أو التعريف بنفسك لمعاينة هذه الصورة]

قصتى اليكم اليوم

قصة متجددة

رائعه بجد لازم تتابعوها

[ندعوك للتسجيل في المنتدى أو التعريف بنفسك لمعاينة هذه الصورة]

الحلقة الاولى

[ندعوك للتسجيل في المنتدى أو التعريف بنفسك لمعاينة هذه الصورة]
كان يا مكان واحد انسان عاش حياته
بعيد عن بلده لانه اتولد في غربه,
و كان حاسس انه مبسوط
وكان راضي باي شيئ لانه ميعرفش اي شيئ
ولما جه الوقت انه يرجع لبلده كان
حاسس بخوف من الناس
ومش عارف هيتعامل معاهم ازاي
وكان اول اختلاف هيواجهه المدرسه الجديده وفعلا ا
ول حاجه التعليم المختلف بس عادى ممكن يتأقلم.

[ندعوك للتسجيل في المنتدى أو التعريف بنفسك لمعاينة هذه الصورة]

الاصدقاء الجدد عادي ممكن يتأقلم بردو .
.لاكن اول مره يكون معاه بنات في الفصل
ومن بين البنات بنت شدته حس ان شيئ غريب بيشده
لكن المشكله انه لا يمتلك اي شيئ يخليه
يقرب منها بدأ يسأل زميله عنها وعرف ان اسمها
أسمــــــــاء
[ندعوك للتسجيل في المنتدى أو التعريف بنفسك لمعاينة هذه الصورة]
حلم
حياته بدأ في خياله يتحرك ورغم الحب
الغريب الى دخل قلبه مكنش عارف يتحرك
ولايبين حبه ليها وانتهت الدراسه في المدرسه
وحس ان حلمه الي لسه في قلبه
وعقله انتهى
[ندعوك للتسجيل في المنتدى أو التعريف بنفسك لمعاينة هذه الصورة]
بعد حوالي
عام من انتهاء الدراسه وفي يوم كان ماشي
مع زميله في الجامعة ومن بين
الناس شاف الحلم المتأجل ومكنش عارف يعمل ايه
ساب صحابه ومش وراها لحد ما
وصلت البيت
حس ان حلمه طلعت عليه الشمس من جديد
وبسرعه راح لصديقه المقرب منه(جمال )
[ندعوك للتسجيل في المنتدى أو التعريف بنفسك لمعاينة هذه الصورة]
((جمال جمال تخيل حصل ايه النهرده ))
جمال :حصل ايه
((شفت اسماء ))
جمال :اسماء حبيبتك الي متعرفكش ههههههه
((اتحك برحتك ))
جمال : وناوي تعمل ايه ؟!!
((مش عارف ))
جمال : بص يا صحبي انا لو مكانك
مستناش واروح اتعرف عليها.
((ان شاء الله))

[ندعوك للتسجيل في المنتدى أو التعريف بنفسك لمعاينة هذه الصورة]

تاني
يوم استناها عند بيتها الصبح بدري
وفعلا كانت نزله رايحه الجامعه حاول
يتحرك ويروح ليها بس المشكله هيقول ايه
هيتعرف عليها ازاي قرر انه بردو
يمشي وراها دخلت المترو دخل وراها
قابلت صحبتها وكانو مستنيين المترو
وصاحبنا
[ندعوك للتسجيل في المنتدى أو التعريف بنفسك لمعاينة هذه الصورة]
واقف بعدهم بشويه مش عارف هو هنا ليه
وايه خلاه يعمل كده وهو بيفكر حس ان
اسماء وصحبتها بيبصو عليه وفعلا كانت اسماء
بتقول لصحبتها ان الولد ده كان
معاها في المدرسه ومن امبارح ماشي ورايا هههههه
جيه المترو ركبت اسماء وصديقتها وفضل صاحبنا
واقف مكانه لانه حس باحراج انها حست بيه
[ندعوك للتسجيل في المنتدى أو التعريف بنفسك لمعاينة هذه الصورة]
راح لصحبه جمال وحكاله على الي حصل,
جمال :هههههه يبني انتا عبيط مشيت وراها
ومدخلتش تتعرف عليها هههه
((يا جمال اساسا انا مكنتش عارف اعمل ايه واقول ايه
وكمان هي وصحبتها بصوا عليا وكانوا وبتكلموا ))
جمال: اه اكيد حسوا انك عبيط
((انا مش عارف اعمل ايه مش عارف))
[ندعوك للتسجيل في المنتدى أو التعريف بنفسك لمعاينة هذه الصورة]
كان حاسس
ساعتها بحاجات كتييييير ملخبطة حياته
وقرر انه يعمل زي ماعمل بكره وفعلا
كان بيعمل ده كل يوم لدرجت انه لقا نفسه
ساب كل حاجه وراه ومش فاضي الا
لاسماء .

[ندعوك للتسجيل في المنتدى أو التعريف بنفسك لمعاينة هذه الصورة]

وفي يوم خد قرار لازم اكلمها
النهرده وفي المترو
((أسماء أسماء))
بصت وراها لقته وبدى على وشها
انها مستغربه انه نده عليها ,
اسماء :نعم خير
((انا اسف اني ندهت عليكي انا كنت زميلك في))
قطعت كلامه أسماء : اه زميلي في المدرسه ,خير اامر
.لقا نفسوا بيتحرج فقرر انه يقول كل الى عنده
((انا بحبك))ده كل الى كان عايز يقوله
وكان عايز يفهمه لاسماء
[ندعوك للتسجيل في المنتدى أو التعريف بنفسك لمعاينة هذه الصورة]

تعرفوا اسماء
ردت
قالت ايه
اكيد هتعرفوا المره الجايه
[ندعوك للتسجيل في المنتدى أو التعريف بنفسك لمعاينة هذه الصورة]

توبيك شيق اوى بجد
ياسفير
مشتاقة كتير اعرف
ايه اللى هيحصل فى
الحلقة التانية
تسلم الايادى بجد

تسلم الايادى يا سفير ...مستنيين نعرف اللى هيحصل بعدين ...تقبل مرورى

ميرسى حبيبى على التوبيك الشيق ده

ومستنين الحلقات القتادمة
تقبل تحياتى

[ندعوك للتسجيل في المنتدى أو التعريف بنفسك لمعاينة هذه الصورة] الحلقه الثانية

ككل يوم تذهب صديقة اسماء للمترو علشان
تروح للجامعه مع اسماء
,بس النهارده شيئ غريب حصل وهي دخله المترو
شافت الشاب الي كان بيمشي ورا اسماء خارج
والغريب ان الدموع كانت نزله بشكل ملفت للنظر
ولما شفها حاول يمسح الدموع واندفع
الي خارج المترو وكان باين عليه التوتر .
[ندعوك للتسجيل في المنتدى أو التعريف بنفسك لمعاينة هذه الصورة]
نزلت لقت اسماء على غير العادة
شارده التفكير ولما سألتها صديقتها:
مالك ايه الى حصل مع الواد بتاع كل يوم ؟!!
اسماء : انتي شفتيه .

صديقتها: اه شفته وكان بيعيط ايه الى حصل .

اسماء : بيعيط بتتكلمي بجد !!!،

صديقتها : على فكره انا لازم اعرف الي حصل .

أسماء:اصلوا جالي النهارده وقلي بـ..... بحبك.
[ندعوك للتسجيل في المنتدى أو التعريف بنفسك لمعاينة هذه الصورة]
صديقتها : قلك بحبك كدا مره وحده ! وانتي قلتيلوا ايه ؟

اسماء : مقلتلوش حاجه انا وريته الدبله .

صديقتها:دبله ايه ودبله مين انتي اتخطبتي امتى؟.

اسماء : يابنتي ما ا نتي عرفه اني مش مخطوبه
ده خاتم قلبته علشان يبان زي دبله ،
ولما وريته الدبله اصدي الخاتم سبني وطلع يجري .

صديقتها : طب ليه كده مش ده الشاب
الى كان نفسك يجي يتعرف عليكي
وحاسه انك مشدوده ليه.

أسماء: ايوه بس مقدرتش ارد عليه
لقيت نفسي بعمل كده
لوحدي انا مش عرفه عملت كده معاه
ليه هو حتى مدنيش فرصه اكلمه شاف الدبله
وسبني وجري
[ندعوك للتسجيل في المنتدى أو التعريف بنفسك لمعاينة هذه الصورة]

وفي ذلك
الوقت كان صاحبنا يمشي على قدميه
لا يعرف الى اين هو متجه ولا اين هو حتى
كان شارد الذهن وفجأه وجد نفسه
على كبري قصر النيل فذهب وجلس وبدأ يفكر
فيما مر به وذلك الحلم الذى كلما حاول
الاقتراب منه قليلا تاتي الحياه بما
يجعله بعيدا وبدأ يسترجع بعض الذكريات
التي ربما لا يتذكرها الا هو ايام
المدرسة عندما كانت معه،
في ذلك الوقت كانت دموعه مازلت تنزل
وشعر بان الناس من حوله تراه وهذا ما كان يشعره بالحرج
[ندعوك للتسجيل في المنتدى أو التعريف بنفسك لمعاينة هذه الصورة]
فقرر الذهاب الى صديقه جمال وفعلا ذهب.

جمال : ايه قلتلها ايه ؟؟ بحبك!!.

((ايوه ويارتني ماقلتلها)).

جمال : ليه قلتلك ايه ؟.

((مقلتش حاجه ))

جمال: مقلتش حاجه طب ليه انتا بتعيط دلوقتي .

((طلعت مخطوبه ياجمال ))

جمال: مخطوبة ، انا افتكرتها احرجتك
، قالتلك انا مخطوبه ؟.

(( لا ..ورتني الدبله))

جمال: بس يا صحبي بلاش تبكي خلاص
الدموع بلا فائدة بص ودور في الحياه
اكيد هتشوف انسانه غيرها تحس بيها .
[ندعوك للتسجيل في المنتدى أو التعريف بنفسك لمعاينة هذه الصورة]
وبعد مرور حوالي ثلاثه اشهر من ذلك اليوم

((جماااااااال ... جمااااال ))

جمال : ايوه نازل .

((ايه كل ده ساعه علشان تنزل ))

جمال : انتا مستعجل ليه لسه بدري

((ايه بس الناس مستنياني ))

جمال : انتا محسسني انك اول واحد تخطب .

(( يا ابني انا العريس متهيألى
لازم اكون هناك من بدري ))

جمال : ماشي يا عم العريس بس مقلتليش
انتا فعلا بتحب خطيبتك؟

(( لا بس هيا بتحبني هههههههه ))
[ندعوك للتسجيل في المنتدى أو التعريف بنفسك لمعاينة هذه الصورة]
جمال : وانتا بتحب مين ؟؟

((اكيد يعني .... بحبها ))

جمال : لا انتا لسا بتحب اسماء صح .

(( اسماء!! مخلاص مينفعش احبها
وعلى العموم اه انا لسا فيا نفس الحب ليها بس انا فين
وهيا فين انا حتى معرفش عنها اي حاجه ))

جمال : طب مش كدا انتا بتظلم البنت الى معاك .

((لا يا جمال انا عمري ماظلمت حد انتا قلتلي دور
وهتلاقي انسانه تحبها وانا لقيتها خلاص
بس مش علشان لقيتها انسى انسانه في
يوم حبتها ))

جمال : اصدك لسا بتحبها

، على العموم بكره نشوف.

[ندعوك للتسجيل في المنتدى أو التعريف بنفسك لمعاينة هذه الصورة]

يتبع........

هــــــــــــــــااااااااااااااااااااااااااااااااااا يا جماعه نكمل والا ايه

هاياسفير وبعدين
كمل
عايزة اعرف اللى هيحصل
مستنية الحلقة الجاية
تسلم الايادى بجد
توبيك شيق اوى

معاك يا عمنا
كمل

ايه يا سفير سكت ليه كمل يا عم بقى .....مستنييين الحلقات الجايه على ناااااااااار ...تسلم الايادى

[ندعوك للتسجيل في المنتدى أو التعريف بنفسك لمعاينة هذه الصورة] الحلقة الثالثة

بعد مرور عام من حفل الخطوبه
يجلس صديقنا مع صديقه
جمال يسترجعون بعض الذكريات
التي مرت عليهما وهم صديقان
[ندعوك للتسجيل في المنتدى أو التعريف بنفسك لمعاينة هذه الصورة]
جمال : هههههههه فاكر لما عملنا رحله للعين السخنه
وكنا مطلعين خمسين واحد و واحده
((اه هههههههههه... وكنا عاملين مصلحه ))
جمال :ههههههههه فاكر البت الى جتلك
وقلتلك عايزه نمرة تليفونك وانت قلتلها لا.
(( اه فاكر وانت الى كنت باعتها ))
جمال : لا والله دي هي كانت معجبه بيك وطلبت
مني رقمك وانا قلتلها ممكن تخديه منه هو.
((طب مانت عارف اني محبش اكلم بنات ))
جمال : سبحان الله انا لو شكلي زيك كنت اكلم كل يوم بنت
(( علشان كده ربنا خلاك شبه البطريق هههههههه))
جمال: بطريق!! ماشي ياعم الامور ، فاكر اسماء ؟.
[ندعوك للتسجيل في المنتدى أو التعريف بنفسك لمعاينة هذه الصورة]
بعد الشرود لثواني
((اسماء انا منستهاش علشان افتكرها))
جمال : البت دي اكيد خسرتك
(( معرفش بس انا حاسس اني انا الى خسرتها ))
جمال :هو كان شكلها ايه؟
(( شكلها جميله اوي . كانت عينيها خضرا وشعرها اسود
وزي القمر حاجه لايمكن تتوصف ))
جمال :قولي بصراحه انت لو في يوم قابلتها هتعمل ايه ؟
(( هعمل ايه همشي وراها ))
جمال : تمشي وراها تاني طب ليه
(( عادي املي عينيا منها ))
[ندعوك للتسجيل في المنتدى أو التعريف بنفسك لمعاينة هذه الصورة]
جمال: انا عمري مكنت اتصور ان في حد ممكن يحب كده
(( هو انا اي حد ))
جمال : صحيح قبل ما انسى
انت وراك محاضرات يوم الخميس ؟
(( لا.... ليه في حاجه))
جمال : طب اعمل حسابك انت جاي
معايه عيد ميلاد البت بتعتي (منى)
هتعمله في الكافيه الي عند الجامعه بتاعتها
((اه... طب لازم اجيب هديه ))
جمال : ....يعني من باب الذوق
(( طب هات خمسين جنيه انزل اجيب هدية))
((هههههههههههههههه)).
[ندعوك للتسجيل في المنتدى أو التعريف بنفسك لمعاينة هذه الصورة]
وجاء يوم الخميس
جمال : مجبتش خطيبتك ليه .
(( خطبتي عندها امتحان ومينفعش تيجي من اساسه ))
جمال : هي لسه بتغير عليك من البنات
(( بتغير وبس ياريت ، طب تصدق انها ممكن تغير من اختها))
جمال : اختها !! ربنا يكون معاك طب
حتى انت مش بتاع بنات .
وتبادلو الحديث حتى وصلوا
[ندعوك للتسجيل في المنتدى أو التعريف بنفسك لمعاينة هذه الصورة]
جمال : ادينا وصلنا ... حبيبتي وحشاني وربنا
منى : وحشتك يا كداب مانت كنت معايه امبارح.
جمال : صدقيني انت وحشاني دلوقتي وانتي معايا.
منى :طيب ماشي علشان الناس الى معاك
هصدقك ‘ مش تعرفنا ؟
جمال : اه .. اقدملك صديقي الصدوق .
(( كل سنه وانتي طيبه))
منى : شكرا تسلم ايدك ..اتفضل اعد..تعالى يا جمال ساعدني
[ندعوك للتسجيل في المنتدى أو التعريف بنفسك لمعاينة هذه الصورة]
جلس صديقنا ينظر الى جمال صديقه وهو يمرح ويلهو
مع كل الحاضرين وبعد مرور ساعه قرر ان يستأذن ويرحل
((جمال ))
جمال : ايه عايز حاجه .
(( انا همشي ))
جمال : تمشي ايه!! لسه بدري
وبعدين منى مش هترضى ... يامنى.
منى : ايه عايز حاجه ياحبيبي
جمال : اتفضلي صاحبي عايز يمشي .
منى : لا طبعا مينفعش يمشي لسه.....
[ندعوك للتسجيل في المنتدى أو التعريف بنفسك لمعاينة هذه الصورة]
وبينما كانت تتحدث اليه لتطلب منه ان يبقى ومن عبر
الزجاج رأى ما لم يكن في الحسبان
راى شيئ جعله لا يشعر بمن هم حوله ثم عاد
لينتبه لحديث منى.
..يعني من الاخرمينفعش تمشي قبل ما نطفي الشمع.
(( خلاص خلاص انا مش ماشي ))
منى :طب بعد اذنك هروح استقبل الناس الي وصلت .
جمال : يعني لازم تعمل عم المهم
لم يرد على جمال
[ندعوك للتسجيل في المنتدى أو التعريف بنفسك لمعاينة هذه الصورة]
جمال : ايه مالك رحت فين ؟
((جمال انا مش مصدق ..انا بحلم ))
جمال :ايه مش مصدق ايه وبتحلم ايه .
((تعرف مين البنت الى وقفى مع منى))
جمال : جمال دي زميلتها في الجامعه اسمها اسماء .....
[ندعوك للتسجيل في المنتدى أو التعريف بنفسك لمعاينة هذه الصورة]
وقطع جمال كلامه لبرهة
ثم عاد ليكمل كلامه في تعجب
....اسماء .... وعينها خضرا ...
.اوعى تقولي ان دي اسماء الى بتحبها؟
بعد ان ظهرت ابتسامه على وجه صديقنا
وظهرت بعض الدموع
(( ياه ...يا جمال ...هي اسماء والله هي ))
[ندعوك للتسجيل في المنتدى أو التعريف بنفسك لمعاينة هذه الصورة]

v
يتبع ان شاء الله

ياااااااااااربى
طيب وخطيبته
كمل بقى ياسفير
عايزة اعرف هيعمل ايه

يااااربى وهيعمل ايه دلوقتى ...كمل بقى يا سفير

[ندعوك للتسجيل في المنتدى أو التعريف بنفسك لمعاينة هذه الصورة] الحلقة الرابعة [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

حلم حياته يقف امامه في نفس المكان
وعرف جمال صديقه
ان اسماء هي تلك الفتاه
التي تعتبر احد صديقات منى حبيبته .

[ندعوك للتسجيل في المنتدى أو التعريف بنفسك لمعاينة هذه الصورة]

جمال : بقولك ايه خد المنديل ده
وامسح عينك ،وتعالى معايا .
((اجي معاك فين ))
جمال : نروح نقف مع منى واسماء
(( لا ..لا ..انا مش هينفع اروح
انا كده بفرض نفسي عليها
،سيبني انا مبسوط كده ))
جمال : مبسوط كده ،طيب
اعد مكانك متتحركش .
((ليه انت هتعمل ايه )) .
جمال : هعمل ايه ؟؟ هتعرف دلوقتي.
وبدأ جمال يتجه نحو
اسماء التي تقف مع منى
[ندعوك للتسجيل في المنتدى أو التعريف بنفسك لمعاينة هذه الصورة]
جمال : ايه يا منى هي اسماء
خدتك منا ولا ايه ههههههههه.
اسماء: ههههههههه
ازيك ياجمال اخبارك ايه .
جمال : الحمد الله يا اسماء ،
ايه يا منى هي
اسماء هتفضل وقفه ولا ايه .
منى: لا طبعا لازم هتقعد
اسماء: هي ندى فين
جمال : ندى لسه مجتش
، زمانها جايه ،وعلى ما تيجي
تعالي اعرفك على صديقي الصدوق .

[ندعوك للتسجيل في المنتدى أو التعريف بنفسك لمعاينة هذه الصورة]

وفي هذه الاثناء كان يجلس صديقنا
على طاولته وهو لايستطيع ان يتمالك نفسه
فصديقه جمال فعل مالم يكن يتوقعه .
وهاهي اسماء تتجه مع جمال ومنى نحو الطاوله
وكانت تتحدث الى منى وعند الطاوله

[ندعوك للتسجيل في المنتدى أو التعريف بنفسك لمعاينة هذه الصورة]
جمال:أسماء, اقدملك افضل صديق ليا في الدنيا
هم صديقنا من مكانه وكان يبدوا التوتر واحمرارالوجه
وعندما نظرت اسماء الى ذلك الوجه
اصابتها الدهشه انه ذلك الشاب نعم
انه هو !!!!!!
تردد صديقنا قليلا قبل ان يمد يده للسلام ولكنه
فعل ومدت اسماء يدها
ولاول مره يستطيع ان يلمس يد من احب
ويالها من لحظه
احقيقة هي ام سراب؟! .....
لا, انها حقيقه...نعم حقيقه تقف امامه و يلمس
يدها ويشعر بها .
[ندعوك للتسجيل في المنتدى أو التعريف بنفسك لمعاينة هذه الصورة]

((..اهلا ))
جمال: بعد اذنك ممكن نعد معاك شويه .
((طبعا))
وجلس الجميع وكنت اسماء تجلس امامه
وكان ينظر لها وكانه رأى مالم يكن يحلم به
وعد مرور برهه من الوقت ،بدأت منى بالحديث
منى: ايه ساكتين ليه ، ايه ياجمال مش عويدك .
جمال :في ايه لازم انا الى أرغي،
ماشي تشربي ايه يا اسماء .
أسماء : لا شكرا ولاحاجه .
جمال : لا لا متحاوليش لازم تشربي حاجه
تشربي برتقال ؟زي صحبي
اصله بيحب البرتقال اوي.
أسماء : خلاص اشرب برتقال.
جمال:تعالى يا منى معايا .
ونهض جمال مصطحبا معه منى
وترك صديقه واسماء يجلسان .

[ندعوك للتسجيل في المنتدى أو التعريف بنفسك لمعاينة هذه الصورة]

وعندالبوفيه
منى : بتقول ايه!! بيحبها ؟
جمال : بيحبها لدرجه الجنون بس النصيب .
منى : ليه هو حد غصبوا يخطب غيرها .
جمال : طب يخطبها ازاي وهي مخطوبه .
منى : اسماء مش مخطوبه
ولا عمرها ما كانت مخطوبه .
جمال : بجد !! ايش عرفك ؟
منى :انا أعرفها من النادى من زمان
واعرف عنها كل حاجه ،
انت مين قالك انها مخطوبه؟
[ندعوك للتسجيل في المنتدى أو التعريف بنفسك لمعاينة هذه الصورة]
وبدأ جمال يروي تلك القصه،
و في هذه الاثناء كان صديقنا واسماء يجلسان
دون النطق باي كلمه ،
وفجأة ظهر صوت يقطع ذلك الصمت

(( ازيك يا اسماء))
فنظرت له وابتسمت
أسماء : ازيك يا ..... .
ههه انا معرفش اسمك لحد دلوقتي

ابتسم ابتسامه مليئه بالسعاده
قبل ان يقول :
((انا اسمي .....
^
^
^

يتبع ان شاء الله
[ندعوك للتسجيل في المنتدى أو التعريف بنفسك لمعاينة هذه الصورة]

انا اسمى اسامه

ايه ياعم الروعة دى
لا التوبيك ده لازم يتنسق حلو
عشان نثبته

ومبروك عليك اشراف القسم الرياضى
وفوق بقى للقسم الرياضى شوية
سيبك من التوهان اللى انت فيه ده
وتكمل الحلقات ع طول
احنا مشتاقين نعرف اللى هيحصل
اصل خلاص مناديل البيت كلها خلصت من الدموع
ههههههههه

ها ياسفير وبعدين
ايه التشويق ده
عايزين نعرف اللى هيحصل
انا مستنية على نار

[ندعوك للتسجيل في المنتدى أو التعريف بنفسك لمعاينة هذه الصورة] الحلقة الخامسة[ندعوك للتسجيل في المنتدى أو التعريف بنفسك لمعاينة هذه الصورة]
منى : الحق يا جمال
صاحبك بيضحك هو واسماء .
جمال : تصدقي فعلا وباين
عليه انه مبسوط اوى ،
بقالي كتير مشفتش الضحكه دي .
منى : بس شكلها كده هتبدأ تبوخ .
جمال : ليه في ايه ؟.
منى : تامر وصل .
جمال : تامر مين ؟
[ندعوك للتسجيل في المنتدى أو التعريف بنفسك لمعاينة هذه الصورة]
منى : تامر ده زميلنا في الجامعه
و واحد من صحاب اسماء
ومن عندها في الشارع .
جمال : وايه المشكله يعني ، في كده
منى : اصله ممكن يبوخ على صاحبك.
جمال :طب تعالي نخش على تامر
علشان ميحصلش مشكله.
وانطلقت منى ومعها جمال
نحو تامر لاستقباله.
[ندعوك للتسجيل في المنتدى أو التعريف بنفسك لمعاينة هذه الصورة]

منى : اهلا...أهلا
عاش من شافك يا تامر .
تامر : كل سنه وانتي طيبه
وعقبال ميت سنه
منى : شكرا وتسلم ايدك .
جمال:نورتنا يا عم تامر .
منى :اه ...صحيح نسيت اعرفك يا تامر،
ده جمال صحبي
تامر : منوره بوجودك يا جمال .
[ندعوك للتسجيل في المنتدى أو التعريف بنفسك لمعاينة هذه الصورة]
جمال : تشرب انت ايه بقى؟.
تامر : لا شويه كده ، هي اسماء وندى فين يامنى. .
منى : ااااه ..اسماء جت ووو..ندى لسه .
تامر : طب اسماء فين .
جمال : اسماء قاعده مع صحبي .
تامر:صحبك مين .
جمال : ده الى قاعد هناك .
واشار باصبعه الى المكان
الذى كان يجلس فيه وتابع كلامه ،
جمال : كان زميلها ايام المدرسة
نظر تامر بأتجاه صديقنا وأسماء
وبدى عليه التعجب والاندهاش
وشعر جمال ومنى ان تامر
ربما يفتعل المشاكل .

[ندعوك للتسجيل في المنتدى أو التعريف بنفسك لمعاينة هذه الصورة]

وفي هذة الاثناء كان يجلس
صديقنا واسماء على الطاوله
وكانا لا يشعران بما يدور من حولهم
فقد انشغل كلاهما بالاخر.
اسماء :ههههههههه...
عموما برحتك انتى كده مخلينى محتاره ...
.اول مره معرفش اسم حد
وهو يعرف اسمى .
((يعني هو انا سألتك على اسمك ))
أسماء:لا مسألتنيش.
((خلاص مينفعش انتى تسأليني ))
أسماء :هههه عموما
انا لازم اعرف اسمك من اي حد.
((هههههه ..محدش يعرف اسمي
غير جمال هنا ))
[ندعوك للتسجيل في المنتدى أو التعريف بنفسك لمعاينة هذه الصورة]
لم ينهي صديقنا جملته
حتى وجد من يرد عليه
قائلا :لا انا اعرف اسمك يا ولد.
ألتفت صديقنا واسماء بسرعه
الى مصدر الصوت فوجد
شاب طويل القامه متجه نحوه
وخلف الشاب يقف جمال ومنى .
اسماء: تامر ايه كنت فين .
تامر : لسه جاي من الشغل ،
ومكنتش عارف ان الحبايب كلهم هنا
.نظرت اسماء الى صديقنا وهي تقول
اسماء : اعرفك على تامر زميلي
ومن عندي في الشارع
،وكان معانا في المدرسه .
نظر صديقنا الى تامر قليلا
ثم انتفض من مكانه .
[ندعوك للتسجيل في المنتدى أو التعريف بنفسك لمعاينة هذه الصورة]
((تامر ازيك عامل ايه مش واخد بالي
اصل شكلك اتغير والله ))
تامر: ازيك انت عاش من شافك ،
من ساعةالمدرسه ما خلصت
ومحدش سمع عنك حاجه.
أسماء : تامر انا عايزه منك خدمه
لو تسمح .
تامر : اامرينى .
اسماء : اصل انا مش فكره اسمه ايه
وهو مش راضي يقولي .
تامر : هههههه طب هو
مش راضي يقول. اقول انا؟!.
(( ههههههه شفتي
محدش هيقلك اسمي ايه ))
[ندعوك للتسجيل في المنتدى أو التعريف بنفسك لمعاينة هذه الصورة]
تامر : ايوه اني عيزاني اقولك
ان اسمه أحمد ؟؟!!ههههههه.
اسماء : أسمه احمد بجد والله .
تامر :ايوه اسمه احمد ، احمد حسني .
(( ماشي يا تامر
، يعني انا بقالي ساعه مش عايز اقول اسمي
وتيجي تبعني كده ))
ضحك الجميع قبل ان تقول منى .
منى : ياه..يعني عيد ميلادي
كان مصلح انتكم تتقابلو.
اسماء : اه.. والله
انا فعلا مبسوطه بالصدفه دي .
قالت هذه الجمله وهي تنظر الى احمد
وتضحك ضحكه جميله
[ندعوك للتسجيل في المنتدى أو التعريف بنفسك لمعاينة هذه الصورة]
جعلت مشاعر احمد تنتفض .فقال
(( انا كمان فرحان اوي اني قبلتكم ))
تامر : ماشي يا ولد ،
ايه دا يا أحمد !!!
انت خطبت امتى ؟؟
نظرة اسماء في تعجل
الى يد احمد لتجد الدبله في يده
نعم انها دبله .
((اه... انا خطبت من حوالي سنه))
قال هذه الجمله وهو ينظر الى اسماء
ويحاول ان يوضح
ولكن ماذا يمكن له ان يقول
فليس هنالك اي شيئ يجمع بينهما بعد .
منى : بعد اذن الجميع
ممكن تيجوا نطفي الشمع.
جمال : يلا أحمد ،تامر،اسماء

[ندعوك للتسجيل في المنتدى أو التعريف بنفسك لمعاينة هذه الصورة]

تحرك الجميع بعد اطفأت الانوار
نحو الشمع والتف الجميع حول الكعكه
وبدأو بالغناء لمنى
ووفف أحمد في الجهه المقابله لاسماء
وكان ينظر الى اسماء ويريد التحدث اليها
شيئ غريب ولاول مره
يشعر انه يملك الجرأه
على الحديث اليها .

[ندعوك للتسجيل في المنتدى أو التعريف بنفسك لمعاينة هذه الصورة]

وصلت ندى صديقه اسماء
في هذه الحظه فأنضمت لأسماء
فوجدت أحمد يقف امامها
وقد كان لاينظر الا لاسماء
فكانت الدهشه واضحه على ندى
أليس هذا هو الفتى الذي
كان يبكي في محطة المترو
وما الذي احضره الى هنا
وماذا حدث قبل ان تأتي
.ولماذا ينظر الى أسماء بهذا
الشكل فعيناه مليئه بالكلام والاسى.
!!!!
v
7
7
يتبع ان شاء الله
[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايدك يا سفير ...مستنيين باقى الحلقات على نار ...ياترى هيحصل ايه بعد كده

هاياسفير
كمل بئة
هيحصل ايه بعد كدة
مشتاقة كتير اعرف

[ندعوك للتسجيل في المنتدى أو التعريف بنفسك لمعاينة هذه الصورة] الحلقة السادسة

احمديرقص مع اسماء على انغام الموسيقى
والجميع يصفقون من حولهم و تنظراسماء
الى احمد وهي تبتسم تلك الابتسامه
التى جعلت جعلته دوما يفكر فيها .
( عارفه يا . وانتي بتضحكي بحس اني مستحيل في حاجه
ممكن تزعلني وانتي معايا ،وبحس ان معايا
اجمل وحده شافتها عيني واكتر وحده
حبيتها ،هههههه تصدقي انا اساسا
محبتش غيرك ومش مستعد احب غيرك انتي حبيبتي ))
تنظر اسماءوهي تبتسم له
دون ان تنطق بحرف ولكن عينيها تتكلمان،
ويستمر الجميع في التصفيق جمال ومنى وندى وتامر.
[ندعوك للتسجيل في المنتدى أو التعريف بنفسك لمعاينة هذه الصورة]

جمال: ايه يا احمد هتفضل كده كتير
بقالي ساعه بصحيك اصحى بقى .
استيقظ احمد مع تلك الكلمات
التى اطلقها جمال ليجد
نفسه على فراشه داخل غرفته
وكل ما كان ما هو الا حلم،
حلم جميل جمع بينه وبين أسماء .
جمال : ايه يا عم الحج ، من امبارح بتصل بيك ومبتردش
، ومشيت كدا من العيد ميلاد من غير ما حد يعرف .
(( اصل حسيت اني تعبت بعد ما كلت ))
جمال : بعد ما كلت
ولا بعد ما اسماء ما شافت الدبله .
(( ايه ..لا ..طبعا ))
[ندعوك للتسجيل في المنتدى أو التعريف بنفسك لمعاينة هذه الصورة]
جمال : أحمد ... انت ممكن تقول الكلام ده
لاي حد غيري،اما انا عرفك اكتر منك .
(( مش عارف يا صحبي اول مره احس الاحساس ده))
جمال : بس انت طلعت نمس .
((نمس !!!.... ليه يا عم بوند))
جمال : انتى عملت ايه لاسماء ؟!!.
(( عملت ايه في ايه ))
جمال : اصلها سألتني عليك وطلبت مني رقم تليفونك.
(( بجد .. هي الي طلبت الرقم ))
جمال : مالك اتفزعت كده ليه ،
انا قلتلها لا, تاخده منك.
(( ايه!! يعني انت مدتهاش الرقم !))
جمال : ههههههههه مش بقلك اتفزعت
،اديتها الرقم، وعلى فكره اسماء بنت مؤدبه جدا ،
تعرف انها عمرها ما كانت مخطوبه والدبله الى
كانت في ايدها زمان مش دبلتها ،
وتلقيها عملت كده علشان مكسوفه منك بس.
(( مكسوفه !! تبعدنى عنها.. بس الحمد لله انها رجهت))
[ندعوك للتسجيل في المنتدى أو التعريف بنفسك لمعاينة هذه الصورة]

اطمأن قلب أحمد عندما عرف أن أسماء طلبت
رقم هاتفة من جمال وراح يفكر في اسماء من جديد
وينتظر اتصالها وينتظر وينتظر....
مر أسبوع ولم تتصل أسماء ، وبدأ احمد يشعر بأنه يريد رؤية
أسماء بأي طريقه .
وفي صباح اليوم التالي اتصل احمد بجمال في منزله :
جمال : ألو
(( صباح الفل على جمال حبيب الكل ))
جمال : ايه يا أحمد في حاجه
(( انت لسه نايم قوم اغسل وشك
وقابلني على القهوه))
جمال : قهوه!!! الساعه لسه
9الصبح خش نام يا عم .
(( انام !! هو انا صاحي بدري وبتصل بيك
علشان تقولي نام ، يلا بجد قوم ))
جمال : انت رايح فين .
((انا رايح لاسماء ولو مش جاي انا هروح لوحدي ))
جمال : أحمد قلتلك خش نام مش هتلاقي حد النهارده هناك
، منى طلعت رحله مع الجامعه وأسماء وندى معاها.
(( طلعوا رحله ، خلاص ماشي يا جمال هقابلك بليل ))
[ندعوك للتسجيل في المنتدى أو التعريف بنفسك لمعاينة هذه الصورة]
وضعأحمد سماعت الهاتف وبدأ من جديد في الشرو
د عاد ليفكر مره اخرى في اسماء
وشعر انه يمكن ان لا يراها مره أخرى
واستمر في الشرود واستمر.....
[ندعوك للتسجيل في المنتدى أو التعريف بنفسك لمعاينة هذه الصورة]

على احد الشواطى كانت تجلس أسماء
منفرده دون حراك
تراقب البحر والامواج وكانت تفكر في ذلك الشاب
أحمد وتلك الصدفه التي جمعت
بينهما وتلك الدبله التي في يده ،
وبينما هي شارده في التفكير .
ندى : اسماء.
أسماء ايه يا ندى عايزه ايه .
ندى : عايزه ايه ؟!! صدق المثل
من لقا احبابه نسى اصحابه .
أسماء : انتى تعرفي عنى كده .
ندى : لا ... بس انتى بقالك اسبوع
من ساعت ما قابلتي أحمد
وانتى سرحانه وولهانه كده
ومش طيقى حد يكلمك .
أسماء : مش عرفة أحمد عمل فيا ايه
، من يوم العيد ميلاد بفكر فيه والدبله الي في ايده
مش عرفه مديقاني اوي وكأن حد خده مني .
[ندعوك للتسجيل في المنتدى أو التعريف بنفسك لمعاينة هذه الصورة]
ندى : مش ممكن تكون الدبله دي حركه؟! .
أسماء : حركه ازاي ؟؟!!!
ندى: اصل مش معقول الصدفه دي ،
ومنى صاحبت صحبه وتعرف عنك كل حاجه
وممكن تكون قالت لاحمد.
أسماء : اصدك ان احمد مش خاطب .
..لالا منى صحبتى ومتعملش كدا معايا
وأحمد غير نوعية الشباب دي .
ندى : بقولك ايه انا هروح اجيب
رقم أخمد من منى اكيد معاها .
أسماء : لامش معاها ،وعلشان كده
خدت الرقم من جمال في العيد ميلاد.
ندى : مش بقولك أحمد غيرك,
مش انتي اسماء بتاعت الاسبوع الي فات
ولا الي قبله هههههههههه.
أسماء : رايك اتصل بيه ؟
ندى: مش دلوقتي,, تامر وراكي وجي علينا
7
7
7

يتبع بإذن الله

الى اللقاء مع حلقة جديدة
[ندعوك للتسجيل في المنتدى أو التعريف بنفسك لمعاينة هذه الصورة]

ها ياسفير وبعدين
انا عايزة اعرف
هيعمل ايه مع خطيبته

[ندعوك للتسجيل في المنتدى أو التعريف بنفسك لمعاينة هذه الصورة] الحلقة السابعة

كانت اسماء وندى يتحدثان
عن أحمد واتخذت اسماء
اخيرا قرار ان تتصل باحمد
بعد ان ظلت مده اسبوع تتردد
فكيف ساتصل به وعن ماذا
سوف اتحدث وماذا يمكن
ان يقول عني لو اتصلت به
وهو الان خاطب ولكن عندما
قررت ذلك طلبت ندى منها ان
تتوقف فصديقهم تامر قادم
[ندعوك للتسجيل في المنتدى أو التعريف بنفسك لمعاينة هذه الصورة]
تامر : البحر والموج والسما
والدنيا احلى
واحنا سوا ... ههه جامده اوي
الاغنيه هي بتاعت مين ؟

[ندعوك للتسجيل في المنتدى أو التعريف بنفسك لمعاينة هذه الصورة]
ندى : ولا عمري سمعتها
ومش هفكر اسمعها
تامر : متشكرين منكوا اوي
أسماء :هههههههههه الصراحه بتوجع
ههههه
تامر : اه ... انتوا الاتنين عليا
ولا ايه . على العموم انا كنت جاي
اتكلم في موضوع وامشي .
اسماء : موضوع ايه ؟
خير
تامر : فكره أحمد حسني
[ندعوك للتسجيل في المنتدى أو التعريف بنفسك لمعاينة هذه الصورة]
نظرت اسماء لندى
في حيره واستغراب هل
سمعنا ونحن نتكلم عنه
قبل ان ترد عليه .
اسماء: احمد حسني ...
مش ده الي كان في
عيد ميلاد منى
ىىىىىىى
تامر : ايوه هو ده
عم الحبيب
أسماء : حبيب ليه
[ندعوك للتسجيل في المنتدى أو التعريف بنفسك لمعاينة هذه الصورة]
ندى : تلقيه بتاع
بنات
تامر : ياريت
، اصله كان ديما
بيسأل عليكي ايام المدرسه
ومره عرفت انه كان بيحبك اوي ،
اسماء :بلاش يا تامر
الكلام الغريب ده
تامر : كلام غريب ايه
اصل انا لما لقيته
قاعد معاكي استغربت ،
هوكان بيقلك ايه ؟؟!!
[ندعوك للتسجيل في المنتدى أو التعريف بنفسك لمعاينة هذه الصورة]
ندى : وانتى
مالك يا تامر
تامر : لا عادي انا
بطمن ميكنش دايقك ولاحاجه
أسماء : بص يا تامر
لو دايقني هعرف
اوقفه عند حده
وثاني حاجه أحمد شاب محترم
وانت لسه كنت
بتقول كده .
تامر : قلت محترم !!
امتى؟؟
[ندعوك للتسجيل في المنتدى أو التعريف بنفسك لمعاينة هذه الصورة]

اسماء : كفايه انه
كان زي مبتقول
معجب بيا ومجاش يتعرف عليا
علشان محرج .
ندى : صح يا أسماء
معاكي حق
تامر:خلاص انا اسف اني
جبت اساسا سيرته ،
انا هنزل اخد غطس مش نزلين
الميه
ندى: لا يا تامر احنا قعدين
[ندعوك للتسجيل في المنتدى أو التعريف بنفسك لمعاينة هذه الصورة]
ذهب تامر بعد ان زاد
الحيره في قلب اسماء
وجلست تفكر ما هذا احمد يحبني
من ايام المدرسه ولم ياتي لاخباري
الم يكن من الواجب
ان يشرح لي ويصرح عن حبه ،
لا انا لم اكن اشعر به
ولا بمشاعره انا المخطأه
[ندعوك للتسجيل في المنتدى أو التعريف بنفسك لمعاينة هذه الصورة]
ندى : اسماء رحتي فين ؟
اسماء : غريب احمد اوي ،
سمعتي الي قاله تامر
ده يعني ان أحمد
معجب بيا من زمان .
ندى : والله احمد ده عملك عمل ,
مفيش غيره بتتكلمي عنه ،
والغريب ان اي
حد بيكلمك عنه .
أسماء : تصدقي يا ندى فعلا
[ندعوك للتسجيل في المنتدى أو التعريف بنفسك لمعاينة هذه الصورة]
انا حاسه اني احمد اعرفه
من زمان اوي مشفتيش طريقه
كلامه معايا كنت حسه اني وخده
عليه اول ما بدأ الكلام معايا .
ندى : طب
يلا كلميه دلوقتي .
تناولت اسماء
الهاتف المحمول وبحثت على الرقم
الخاص باحمد وظلت تنظر له لبره
[ندعوك للتسجيل في المنتدى أو التعريف بنفسك لمعاينة هذه الصورة]

ندى: ايه مستنيه ايه
متفكريش كتير
اتحركي اتصلي .
اسماء : اقوله ايه ؟
ندى : اتصلي من غير متحضري
كلام علشان متتلخبطيش
وانتي بتتكلمي .
وضعت اسماء الهاتف على اذنها
بعد اتصلت ولكن لم تلبث
حتى الغت المكالمه
[ندعوك للتسجيل في المنتدى أو التعريف بنفسك لمعاينة هذه الصورة]
ندى : ايه في ايه
، ققلتي الخط ليه ؟
اسماء :مش هينفع اكلمه
احمد دلوقتتي خاطب
وانا مسمحش لنفسي
احب واحد خاطب .
ندى : مش عرفه اقولك ايه
بس هو بيحبك انتي .
أسماء :ممكن كان بيحبني
بس خلاص هواكيد بيحب خطبته
[ندعوك للتسجيل في المنتدى أو التعريف بنفسك لمعاينة هذه الصورة]
كانت اسماء تقولها
وهي من داخله تتمنى
لو انها هي خيبته
ولكن كانت راضيه
لانها مؤمنه بالله.
v
v
v
v
v

يتبع ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] الحلقه الثامنة

((لالالا قلتلك ميت
مرة مش هتروحي ))
ليلى: لا ليه انا عايزه
اروح الرحله مع صحابي
مش عارفه ليه انت
مش عايزني اروح.
((ليلى انتي خطيبتي
وانا مش عايزك تخرجي
مع صحابك دول خلاص )).

[ندعوك للتسجيل في المنتدى أو التعريف بنفسك لمعاينة هذه الصورة]
ليلى : انت مش عايزني
اكون مبسوطه،
خلاص سيبني براحتي
،انا ممكن كنت اروح
من غير ما اقولك
(( يا حبيبتي انا لو عليا
عايزك تكوني ديما فرحانه
بس انتى عارفه اني مبحبش
تصرفات صحابك ))
ليلى : ليه مالها
تصرفات صحابي ؟؟؟!
[ندعوك للتسجيل في المنتدى أو التعريف بنفسك لمعاينة هذه الصورة]
(( ياحبيبتي صحابك
خرجين مع مين ))
ليلى : ماليش دعوه
خرجين مع مين
انت مش واثق فيا ؟!.
(( طبعا واثق فيكي بس برده
مينفعش ، هما خارجين مع
اولاد صحابهم حتروحي
تعملى انت ايه ))
ليلى : خلاص يا احمد
الي انت شايفه .
[ندعوك للتسجيل في المنتدى أو التعريف بنفسك لمعاينة هذه الصورة]
(( لا مش الي انا شايفه
لازم تفهمي اني انا
خايف عليكي
مش عايز حد يديقك))
[ندعوك للتسجيل في المنتدى أو التعريف بنفسك لمعاينة هذه الصورة]
بعد جدال طويل
بين احمد وخطيبته ليلى
اصر الا يسمح لها بالخروج
مع اصدقائها لانه يرى
انهم ليسوا محل ثقه تجعله يشعر
بالراحه وهي معهم.
(( مالك انتي زعلانه ))
ليلى :لا مفيش
حاجه.
[ندعوك للتسجيل في المنتدى أو التعريف بنفسك لمعاينة هذه الصورة]
((هههههه.. خلاص
انا هخرج معاكي بس
بلاش صحابك ))
ليلى : لا لا خلاص انا
ماليش نفس .
(( الي يريحك
فين الموبايل بتاعك
علشان اخده اصلحه ))
ليلى: خد
بس هتجيبه امتى
[ندعوك للتسجيل في المنتدى أو التعريف بنفسك لمعاينة هذه الصورة]
(( انا هوديه يتصلح
ولما يخلص هجيبه ))
اخد احمد الموبيل
وبدأ يتفحصه
(( هو فين الخط ؟؟!!))
[ندعوك للتسجيل في المنتدى أو التعريف بنفسك لمعاينة هذه الصورة]
وفي حده وارتباك ردت
قائلة
ليلى :انا.... أنا
شيلته
(( طب هاتي الخط
علشان لما يتصلح اجربه ))
ليلى : جربه بخطك
علشان انا مش
عرفه حطيته فين
(( مش عرفه حطيته فين!؟ ،،
لا قومى دوري
عليه يلا بسرعه ))
[ندعوك للتسجيل في المنتدى أو التعريف بنفسك لمعاينة هذه الصورة]
بعد ان
غابت قرابة العشر دقائق
ليلى : اتفضل خد
الخط
(( ماشي
عايزه حاجه ))
ليلى : لا
شكرا
(( السلام عليكم ))
[ندعوك للتسجيل في المنتدى أو التعريف بنفسك لمعاينة هذه الصورة]
نزل احمد من
عند خطيبته وقد كان قد
امضى وقت طويل
وهو يقنع ليلى ان لا تذهب
ال تلك الرحله وكان يتجه
الى احد المحلات كي يقوم
بتصليح الموبايل الخاص بخطيبته .
[ندعوك للتسجيل في المنتدى أو التعريف بنفسك لمعاينة هذه الصورة]
((بعد اذنك لو سمحت
عايز اصلح الموبايل ))
صاحب المحل : عنيا
يا استاذ عدي عليا بكره
((خلاص ان شاء الله
اعدي عليك بكره
بعد العشاء
[ندعوك للتسجيل في المنتدى أو التعريف بنفسك لمعاينة هذه الصورة]
وهم ليذهب للبيت كي
يرتاح من عناء يوم طويل
، وبعد ان ارتاح ارد ان
يتصل بجمال فاتصل
ولم يجد في البيت فبادر
بالاتصال من هاتفه ولكن
قد نفذ منه الرصيد
، فتذكر انه يحمل
الخط الخاص بليلى خطيبته
فوضع الخط واتصل
ليعرف مكان جمال
واتفق معه على ان يتقابلا.
[ندعوك للتسجيل في المنتدى أو التعريف بنفسك لمعاينة هذه الصورة]
جمال : ايه يا ابو حميد
ايه الاخبار
((تمام الحمد لله ))
جمال : كنت فين
النهارده
((كنت عند خطيبتي ))
جمال : عامله
ايه
((تمام الحمد لله ))
[ندعوك للتسجيل في المنتدى أو التعريف بنفسك لمعاينة هذه الصورة]
جمال : محدش كلمك
((حد زي مين ))
جمال : أسماء مثلا
(( لا مكلمتنيش ،
ومش هتكلمني ))
جمال : طب انا رايح
بكره لمنى تيجي معايا
(( ماشي اقابلك بكره))
[ندعوك للتسجيل في المنتدى أو التعريف بنفسك لمعاينة هذه الصورة]
عاد احمد للبيت
وقد نسي انه يضع
خط ليلى في هاتفه
وفجأه رن الهاتف ....فاجاب
(( الو .....الو ....
ايه مين ....الوالو الو ))
فلم يرد عليه احد
واغلق الهاتف في وجهه
[ندعوك للتسجيل في المنتدى أو التعريف بنفسك لمعاينة هذه الصورة]
(( مين يا ترى الى
سمع صوتى وقفل ))
احمد .....احمد
(( نعم يا ماما ))
والدة احمد :كلم يا حبيبي
جمال صحبك
(( ايه يا جمال
في حاجه....))
[ندعوك للتسجيل في المنتدى أو التعريف بنفسك لمعاينة هذه الصورة]
جمال: لا انا كنت
عايز اقولك
اننا هنروح بكره المشوار
على الساعه 9الصبح،
،اتصلت بيك
وكان موبايلك مقفول
(( مقفول ابه الموبايل
في ايدي وشغا.....))
[ندعوك للتسجيل في المنتدى أو التعريف بنفسك لمعاينة هذه الصورة]
قطع كلامه فجأه فقد تذكر
ان الخط الذي بالموبايل
هو خط ليلى ،،
عاد لينهي المكالمه
مع جمال وبعد ذلك استاذن
من امه وذهب الى غرفته
واغلك الباب
[ندعوك للتسجيل في المنتدى أو التعريف بنفسك لمعاينة هذه الصورة]
وبدأ التفكير فيما حدث
من الذي اتصل ولم يرد
عليه هل هي صديقه لها
احرجت منه ...
لا فهو يعرف كل اصدقائها
وهم يعرفونه ،،من اتصل
من
[ندعوك للتسجيل في المنتدى أو التعريف بنفسك لمعاينة هذه الصورة]
بدأ الشك يقتحم تفكيره
فتمدد على فراشه
وهو يفكر ويفكر من ربما
يكون المتصل وبعد ساعات
من التفكير انتبه
ان الصبح قد طلع عليه
وهو يفكر فذهب لكي
يغسل وجهه وفجأه
وهو ينظر في المراه فىالحمام
[ندعوك للتسجيل في المنتدى أو التعريف بنفسك لمعاينة هذه الصورة]
(( انالازم اعرف
مين الي اتصل باي طريقه
..،،.انا هعرف
كل النمر بتاعتها
من الخط بتاعها ))
ذهب ليتفحص الخط
الخاص بليلى فوجد
جميع الارقام قد مسحت
من الخط ظلت الحيره
والشك يتلاعبان به .
(( استغفر الله العظيم
ايه الشك ده
اعوذ بالله من الشيطان الرجيم
يارب اكون ظالمها ))
[ندعوك للتسجيل في المنتدى أو التعريف بنفسك لمعاينة هذه الصورة]
وهم يرتدي ملابسه فقد
قاربت الساعه
من التاسعه صباحا
وذهب لجمال وفي الطريق
جمال : مالك يا احمد
..في ايه ؟!!!.
(( لا مفيش منمتش
كويس امبارح ))
جمال : اكيد بتفكر
في حبيبة القلب اسماء .
((ايه .....اه أه فعلا ))
جمال:متقلقش وصلنا
خلاص وادي اسماء هناك .
[ندعوك للتسجيل في المنتدى أو التعريف بنفسك لمعاينة هذه الصورة]
نظر احمد الى المكان الذي
اشار اليه فوجد اسماء
تقف مع ندى فشعر
في تلك اللحظه براحه
فقد نسي كل الهموم
نسي نفسه
وبدأ يتحرك اليها
[ندعوك للتسجيل في المنتدى أو التعريف بنفسك لمعاينة هذه الصورة]
(( يعني مش عارف
اقولك ايه كل ده
متسأليش عني ههههه))
فنظرت اسماء
لاحمد بدهشه فقد فاجأها
ويالها من مفاجأه
غير متوقعه
اسماء :هههههههه احمد
ازيك اخبارك ايه ،
خطيبتك عمله ايه
[ندعوك للتسجيل في المنتدى أو التعريف بنفسك لمعاينة هذه الصورة]
بعد ان توتر واختفت السعاده
من عينه وظلت
ابتسامه كاذبه على شفتيه
(( تمام الحمد لله
وخطيبتي .......))

v
v
v
v
v

يتبع غدا بإذن الله

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] الحلقة التاسعة

[ندعوك للتسجيل في المنتدى أو التعريف بنفسك لمعاينة هذه الصورة]

جمال : ايه يا احمد بقالك
كتير قاعد ساكت
بتفكر في ايه يا حبيبي
(( مفيش عادي يعني ))
جمال : عيب عليك
..من قبل ما نروح لاسماء
ومنى وانت في حاجه مضيقاك
(( عادي قلتلك في ايه ،
انا لازم احلفلك علشان تصدق ))

[ندعوك للتسجيل في المنتدى أو التعريف بنفسك لمعاينة هذه الصورة]

جمال : انت بتزعق ليه
، طب والله في حاجه .
نظر احمد لجمال
وهو يقول في سره ماذا
اقول لك هل اقول اني
اشك في خطيبتي وكيف
سأقول وماذا افعل
ليتني استطيع ان اخبرك

[ندعوك للتسجيل في المنتدى أو التعريف بنفسك لمعاينة هذه الصورة]

قطع جمال تفكيره
جمال: وغريبه النهارده
كنت سايب اسماء وقاعد
لوحدك انت زعلان منها ؟
(( زعلان منها ليه انا
بس كنت قاعد عادي ))
جمال: لا لما رحنا الصبح
كنت مبسوط وبعدين
قلبت مره وحده
.حتى ان منى هي
الي لفتت انتباهي
وقالتلي أحمد ماله

[ندعوك للتسجيل في المنتدى أو التعريف بنفسك لمعاينة هذه الصورة]
((جمال أنت صاحبي
الي مليش غيره وانت زي
اخويه واكتر
صح ولا مش صح ))
جمال : طبعا من
غير ما افكر,,,
انت مالك قول
سرك في بير .

[ندعوك للتسجيل في المنتدى أو التعريف بنفسك لمعاينة هذه الصورة]
وجلس احمد يروي لجمال
ما في صدره من هم فكان
صعب ان يتحمل ما حدث
له وجعله يشك في ليلى خطيبته
فهو من اجلها يضحي
ويترك حبه الابدي
اسماء لكي لا يظم ليلى
ولكن ماذا يحدث عندما كان حر
كانت اسماء بعيده عن
ه ولما اصبح مع ليلى اصبحت
اسماء قريبه منه ، ......

[ندعوك للتسجيل في المنتدى أو التعريف بنفسك لمعاينة هذه الصورة]

وفي هذه الاثناء
كانت اسماء وندى
تقفان في محطة المترو
تنتظران القطار القادم

[ندعوك للتسجيل في المنتدى أو التعريف بنفسك لمعاينة هذه الصورة]

ندى : اسماء مالك
في ايه احمد
ملخبطلك حياتك كده ليه ؟
اسماء : يعني
انت مشفتيش انا كنت بسأله
عن خطيبتة اتغير وقعد ساكت .
ندى : ما انتي غريبه يعني
لازم تسأليه ما انتي
عرفه الي فيها
[ندعوك للتسجيل في المنتدى أو التعريف بنفسك لمعاينة هذه الصورة]

أسماء : انا عارفه
انه ممكن يكون لسه
بيحبني بس هو خاطب
ندى : طبعا بيحبك اني
مبتشفيش بيبصلك ازاى
بيبقى عايز يخطفك بعنيه ،
متكلميه شوفي ماله
أسماء : شايفه كده
ندى : اه مفهاش حاجه
قوليله مالك النهارده
كنت تعبان ولا ايه كده يعني .

[ندعوك للتسجيل في المنتدى أو التعريف بنفسك لمعاينة هذه الصورة]

التقطت اسماء الهاتف
المحمول في لهفه فكانت
تتمنى ذلك ولكن كانت في
تردد واتصلت على احمد
(( السلام عليكم ))
اجاب احمد على
الهاتف ولكن ترددت
اسماء قليلا وبعد لحظه
(( الو مين ؟؟))
اجابت اسماء
بصوت خافت
أسماء:احمد معايا؟؟

[ندعوك للتسجيل في المنتدى أو التعريف بنفسك لمعاينة هذه الصورة]

بمجرد ما سمع احمد
صوت اسماء
فعرفه فذلك الصوت
حين يسمعه يستطيع ان
يميزه عن اي صوت اخر
(( اسماء اه انا احمد
ازيك انتي فين ))
اسماء : انا كنت مروحه
وقلت اطمن عليك علشان
كان شكلك مضايق
هو في حاجه ؟؟

[ندعوك للتسجيل في المنتدى أو التعريف بنفسك لمعاينة هذه الصورة]

(( اسماء انا عايز اقولك حاجه
بس مش هينفع اقولهالك
في التيلفون ممكن اشوفك ؟؟
أسماء : خلاص هستناك بكره؟
(( لا ... انا لازم اشوفك
النهارده ضروري ))
اسماء : النهاردا
... طب لو عرفت
انزل هشوف وهرد عليك .
(( اسماء . هستنى
منك تيلفون لازم اشوفك ))
أسماء : خلاص يا احمد
وعد هكلمك ااكد عليك .

[ندعوك للتسجيل في المنتدى أو التعريف بنفسك لمعاينة هذه الصورة]

انتهت المكالمة وكان جمال
جالسا بالقرب من احمد وظهر
على وجهه علامات الدهشه
فاحمد الخجول الذى يخجل
ان يلقي السلام على فتاه
اصبح الان بعد ان وجد اسماء
على غير عادته تغير بشكل غريب
ماذا حدث وماذا يريد منها .
[ندعوك للتسجيل في المنتدى أو التعريف بنفسك لمعاينة هذه الصورة]
حمال : أحمد انت عايز اسماء ليه
هتقولها على الموضع بتاع ليلى !!!
(( طبعا لا ، بس لازم اقولها
عن الي في قلبي ليها
انا حاولت زمان اقولها بس
الظروف خليتني ابعد عنها
ودلوقتي وهي جنبي ومش قادر
أقرب لا حرام انا بتعذب ))

[ندعوك للتسجيل في المنتدى أو التعريف بنفسك لمعاينة هذه الصورة]
جمال : ومتن
ساش انك خاطب
بنت الناس وزي ما قلتلك زمان
متستعجلش علشان متظلمش حد .
(( انا مش عايز اظلم حد بس
مش عايز اظلم نفسي برده
انا طول حياتي مكنتش اتصور
اني يوم اشوف اسماء تانى
او اكلمها ، ومش هضيع وقت تانى
لازم تعرف الحب الي ف قلبى ليها ))

[ندعوك للتسجيل في المنتدى أو التعريف بنفسك لمعاينة هذه الصورة]

جمال : احمد,, شكك ميخلكش
تتسرع وتتصرف تصرفات غلط .
(( غلط ، غلط ازاي انا بعدي
عن اسماء هو اكبر غلط حصل
في حياتي والي لازم يحصل
هو اني احاول اصلح الغلط ،
واكيد هي برده حسه وهتعذرني
وهتفهم الظروف ولازم
انا الي ابدأ ،

[ندعوك للتسجيل في المنتدى أو التعريف بنفسك لمعاينة هذه الصورة]

تعرف لما كنا عندهم في الجامعه
وكانت قعده معانا وشايفة الدبله
في ايدي كنت بحس اني عايز
اخبي ايدي علشان
مجرحش مشاعرها ))
جمال : تجرح مشاعرها
ليه ومن ايه ؟؟.

[ندعوك للتسجيل في المنتدى أو التعريف بنفسك لمعاينة هذه الصورة]
(( اسماء عارفة اني بحبها
من زمان,, لان تامر أكيد قالها
كان باين عليه وعليها
وهي عارفه اني مش قادر اقرب
منها ومتاكده اني بردو
عايز اقرب منها ))
جمال : ومين فلك الكلام ده ؟
(( انا بتكلم معاها من غير
كلام بنتكلم بعنينا عارف ليه
لاني حاسس بيها وهي حسه بيا )

[ندعوك للتسجيل في المنتدى أو التعريف بنفسك لمعاينة هذه الصورة]

جمال : أحمد انت حر,,
بس الصحوبية والاخوة الي بنا
تخليني اقولك فكر كويس
(( افكر .....
انا بقالي سنين بفكر....
وخلاص خت القرار....

v
v
v
v
v

يتبع ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ايدك يا سفير .....ياترى هيحصل ايه بعد كده ...مستنييينك على ناااااااار

جامدة جدا الحلقات دى

ومستنين المزيد

بس عاوز اعرف مين اللى نسق التوبيك
بالشكل الروعة ده
انت ولا الرقيقة مشرفة القسم

تسلموا بجد التوبيك كده بقى احلى بكتييير